టాలీవుడ్ స్టార్ హీరోకు షాక్ ఇచ్చిన బాలీవుడ్ భామ!

ఆయన ఓ బడా మాస్ హీరో. ఈమధ్యే వరసగా సినిమాలు లైన్లో పెడుతూ బాక్స్ ఆఫీసును దడదడలాడించేందుకు రెడీ అవుతున్నాడు.  ఇక ఆయన క్రేజ్ కూడా భారీగా ఉంటుంది కాబట్టి ఆయనకు తగ్గట్టే భారీ బడ్జెట్ల సినిమాలు రెడీ అవుతున్నాయి. ఆయన రేంజ్ కు తగ్గట్టు బాలీవుడ్ స్టార్ హీరోయిన్లను సైన్ చేసేందుకు ప్రయత్నాలు చేస్తున్నారు. అయితే ఓ బాలీవుడ్ స్టార్ హీరోయిన్ ఈ ఆఫర్ కు నో చెప్పి షాక్ ఇచ్చిందని టాక్ వినిపిస్తోంది.

నిజానికి ఈ బాలీవుడ్ హీరోయిన్ ఇప్పటికే టాలీవుడ్ లో రెండు సినిమాల్లో నటించింది. తర్వాత బాలీవుడ్ లో బిజీ కావడంతో తెలుగు సినిమాలు సైన్ చెయ్యడం లేదు. తెలుగు సినిమాలే కాదు.. తమిళ స్టార్ హీరోల సినిమాల ఆఫర్లను కూడా రిజెక్ట్ చేసిందని టాక్ ఉంది.  ఈ హాట్ బ్యూటీని మన క్రేజీ స్టార్ కొత్త సినిమా కోసం సంప్రదించారని.. భారీ పారితోషికం ఆఫర్ చేశారని సమాచారం. అయితే కథ కూడా వినకుండా సినిమా ఆఫర్ ను తిరస్కరించిందని అంటున్నారు. హీరోకు వయసు ఎక్కువగా ఉండడం.. షూటింగ్ లు ఆయన మూడ్ కు తగ్గట్టుగా జరుగుతాయని సమాచారం ఉండడంతోనే రిజెక్ట్ చేసిందని టాక్ వినిపిస్తోంది.

అయితే ఇదే హీరోయిన్ తెలుగులో మరో టాప్ హీరో సినిమాలో నటించేందుకు పచ్చజెండా ఊపిందట.  ఈ హీరోకు మనం ముందు మాట్లాడుకున్న హీరోకు భారీ పోటీ.  దీంతో ఈ హీరోయిన్ విషయంలో ఇద్దరు స్టార్ హీరోల ఫ్యాన్స్ సోషల్ మీడియాలో పోట్లాట మొదలుపెట్టారట.  రిజెక్ట్ చేసిన హీరో అభిమానులు హీరోయిన్ పై కారాలు మిరియాలు నూరుతుంటే.. యాక్సెప్ట్ చేసిన మరో స్టార్ హీరో అభిమానులు హీరోయిన్ కు మద్దతు ప్రకటిస్తూ ఉన్నారట. ఎవరి గోల వారిది.