నాని నిఖిల్ లు జత కడతారా?

ఎప్పుడు మొదలయ్యింది ఎవరు స్టార్ట్ చేసారు అనేది పక్కన పెడితే టాలీవుడ్ లో ఇప్పుడు అందరు హీరోలు మల్టీ స్టారర్స్ గురించి సీరియస్ గా ఆలోచిస్తున్నారు అన్నది నిజం. అసలు ఊహకే పరిమితం అవుతుందనుకున్న కొణిదెల-నందమూరి కాంబినేషన్ ని రాజమౌళి ఏకంగా సెట్స్ పైకే తీసుకెళ్ళిపోవడంతో ఈ ట్రెండ్ కు కొత్త ఎనర్జీ వచ్చింది. అదే వరసలో మరో ఇద్దరు యూత్ హీరోలు కాంబోగా రావోచ్చనే టాక్ ఫిలిం నగర్ లో జోరుగా సాగుతోంది. ఒకరు న్యాచురల్ స్టార్ నాని కాగా మరొకరు నిఖిల్. ప్రస్తుతం క్రికెటర్ గా నటిస్తూ జెర్సి షూటింగ్ లో బిజీగా ఉన్న నాని దాని తర్వాత కొత్త సినిమా ఏదీ సైన్ చేయలేదు.

మరోవైపు నిఖిల్ ముద్ర పూర్తి చేసి శ్వాస మాత్రమే ఒప్పుకున్నాడు. అంటే ఈ ఇద్దరు చెరో సినిమాతో బిజీగా ఉన్నారు తప్ప ఆ నెక్స్ట్ మీద క్లారిటీ లేదు. దానికి కారణం కాంబోగా వచ్చే ప్రయత్నమే అని ఇన్ సైడ్ టాక్. మరి ఈ ఇద్దరితో చేసే దర్శకుడు ఎవరు అనే సందేహం రావొచ్చు. తెలిసిన సమాచారం మేరకు ఇంద్రగంటి మోహనకృష్ణ టేకప్ చేయొచ్చని తెలిసింది. ఇటీవలే సమ్మోహనం లాంటి కూల్ హిట్ తో పాటు గతఏడాది అమీ తుమీ లాంటి కామెడీ మూవీని తన ఖాతాలో వేసుకున్న ఇంద్రగంటి మరో ఎంటర్ టైనర్ ని ఇద్దరు హీరోల కాంబోతో సెట్ చేసుకున్నట్టు తెలిసింది.

కాకపోతే నాని నిఖిల్ ఇద్దరూ కథ విని ఓకే చేసారా లేదా అనే క్లారిటీ మాత్రం ప్రస్తుతానికి లేదు. నానికి కెరీర్ లో మొదటి బ్రేక్ అష్టా చెమ్మా దర్శకుడు ఇంద్రగంటినే. జెంటిల్ మెన్ కూడా మంచి విజయం సాధించింది. సో హ్యాట్రిక్ కోసం జత కట్టడంలో ఆశ్చర్యం లేదు. మరి నిఖిల్ మనసులో ఏముందో వేచి చూడాలి.కేవలం ప్రతిపాదన మాత్రమే ఇంద్రగంటి దగ్గర ఉందని ఓకే కావడానికి ఇంకొంత టైం పట్టొచ్చని చెబుతున్నారు. ఒకవేళ ఓకే అయితే మరో యూత్ ఫుల్ మల్టీ స్టారర్ కు అడుగులు పడినట్టే