ప‌వ‌న్ మూవీలో నాటి బ్యూటీ!

ప‌వ‌ర్ స్టార్ ప‌వ‌న్ క‌ల్యాణ్‌.. మాట‌ల మాంత్రికుడు త్రివిక్ర‌మ్ కాంబినేష‌న్లో సిద్ధ‌మ‌వుతున్న మూవీ మీద ఎంత ఆస‌క్తి నెల‌కొందో తెలిసిందే. ఈ సినిమాకు సంబంధించిన మ‌రో కొత్త విష‌యం బ‌య‌ట‌కు వ‌చ్చింది. ఇప్ప‌టికే ఈ సినిమాలో ప‌వ‌న్ త‌ల్లిగా సీనియ‌ర్ న‌టి.. నాటి బ్యూటీ కుష్బూను ఎంపిక చేసిన సంగ‌తి తెలిసిందే.

ఇదిలా ఉండ‌గా. తాజాగా మ‌రో సీనియ‌ర్ న‌టిని కూడా సినిమా కోసం సంప్ర‌దించిన‌ట్లుగా తెలుస్తోంది. ఒక‌ప్ప‌టి బ్యూటీ.. ఈ మ‌ధ్య‌న అప్పుడ‌ప్పుడు వెండితెర మీద త‌ళుక్కున మెరుస్తున్నా... పెద్ద‌గా వ‌ర్క్ వుట్ కాని ఇంద్ర‌జ‌ను మ‌రో కీల‌క‌మైన పాత్ర‌కు ఎంపిక చేయ‌నున్న‌ట్లుగా చెబుతున్నారు. తండ్రి మ‌ర‌ణం మీద ప్ర‌తీకారం తీర్చుకునే ఈ క‌థ‌లో కీల‌క పాత్ర‌లు ఒక‌ట్రెండు ఉన్న‌ట్లుగా చెబుతున్నారు. ఇందులో ఒక‌టి స‌వ‌తి త‌ల్లి పాత్ర‌ను కుష్బూ చేస్తుండ‌గా.. మ‌రో కీల‌క‌పాత్ర‌కు ఇంద్ర‌జ అయితే బాగుంటుంద‌ని త్రివిక్ర‌మ్ అనుకుంటున్న‌ట్లు చెబుతున్నారు. ఇప్ప‌టికే ఆమెను సంప్ర‌దించ‌టం.. డేట్లు.. వ‌గైరాల మీద చ‌ర్చ జ‌రుగుతోంద‌ని.. తుది నిర్ణ‌యం మాత్ర‌మే మిగిలి ఉంద‌ని చెబుతున్నారు. ఒక‌వేళ ఇదే నిజ‌మైతే.. అత్తారింటికి దారేది మూవీలో సీనియ‌ర్ న‌టి న‌దియాకు ఏ రేంజ్లో బ్రేక్ ఇచ్చారో.. ఇంద్ర‌జ విష‌యంలోనూ అదే రిపీట్ అయ్యే ఛాన్స్ ఉంద‌న్న మాట వినిపిస్తోంది. అదే నిజ‌మైతే.. ఇంద్ర‌జ‌కు కావాల్సిందేముంది?

Like Us on Facebook : https://www.facebook.com/Tupakidotcom/