రొటీన్ కమర్షియల్ సినిమాలను ప్రేక్షకులు ఏ మాత్రం పట్టించుకోవడం లేదు. సినిమాలో కొత్తదనం లేకుంటే థియేటర్ల ముందు హౌస్ ఫుల్ బోర్డు పడటం కష్టం. అందుకే స్టార్ హీరోలతో సహా అంతా స్టయిల్ మార్చి కథకు ఇంపార్టెన్స్ ఉండే సినిమాలే చేస్తున్నారు. అదే మల్టీస్టారర్ మూవీ తీయాలంటే కథ విషయంలో ఇంకా జాగ్రత్తగా ఉండాలి.
ప్రస్తుతం నాగార్జున - నాచురల్ స్టార్ నాని కలిసి ఓ సినిమా చేస్తున్నారు. శ్రీరామ్ ఆదిత్య ఈ మూవీని డైరెక్ట్ చేస్తున్నాడు. ఈ సినిమా సస్పెన్స్ అండ్ థ్రిల్లర్ ఎలిమెంట్ తో తెరకెక్కుతోందని తెలుస్తోంది. రీసెంట్ గా రామ్ చరణ్ హీరోగా వచ్చిన రంగస్థలం మూవీలో విలేజ్ బ్యాక్ గ్రౌండ్ తో వచ్చినప్పటికీ క్లైమాక్స్ లో వచ్చే ట్విస్ట్ ప్రేక్షకులను థ్రిల్ కు గురిచేస్తుంది. కాస్త అటూ ఇటూగా నాని - నాగార్జునల కాంబినేషన్ లో వస్తున్న మూవీలో కూడా ఇలాంటి ట్విస్టే ఉంటుందని తెలుస్తోంది. కాకుంటే ఈ ట్విస్ట్ ఇంటర్వెల్ లోనే రివీల్ అయిపోతుందట. ఇందులో నాని డాక్టర్ గా నటిస్తున్నాడు. అతడు ట్రీట్ మెంట్ చేసే పేషెంట్ తో నాగ్ కున్న సంబంధమే సినిమా మెయిన్ కాన్సెప్ట్ అనేది లేటెస్ట్ టాక్.
ఈ సినిమా మొత్తం మీద హాస్పిటల్ సీన్లే కీలకంగా ఉంటాయని తెలుస్తోంది. ఇందుకోసం సారథి స్టూడియోస్ లో ప్రత్యేకంగా హాస్పిటల్ సెట్ వేశారు. సినిమాలో మేజర్ పార్ట్ ఇక్కడే చిత్రీకరించబోతున్నారు. ఈ మూవీలో నాగార్జునకు జోడీగా మళ్లీరావా ఫేం ఆకాంక్ష.. నానికి జోడీగా ఛలో బ్యూటీ రష్మికల పేర్లు పరిశీలనలో ఉన్నాయి.