దూకుడు సెంటిమెంట్ రిపీట్ చేస్తున్నాడా..

టాలీవుడ్ ఫిల్మ్ మేక‌ర్స్ హైద‌రాబాద్ తో పాటు ఏపీలో కూడా ఉన్న ముఖ్య న‌గ‌రాల్లో సైతం షూటింగ్ లు, ప‌బ్లిసిటీ ఈవెంట్లు ఏర్పాటు చేస్తున్నారు. లోక‌ల్ ఫ్యాన్స్ ను ఎట్రాక్ట్ చేయ‌డంతో పాటు, ఆడియెన్స్ కి కూడా కొత్త లొకేష‌న్స్ లో షూటింగ్స్, ఫంక్ష‌న్లు చేయడం కాస్త ఫ్రెష్ ఫీలింగ్ ఇస్తోంది. ఇది ఎప్ప‌టినుంచో తెలుగులో ఉన్న‌ప్ప‌టికీ ఈ మ‌ధ్య కాస్త ఎక్కువైంద‌నే అనాలి. ఎందుకంటే ప్ర‌మోష‌న్ ఈవెంట్లు ఒక‌ప్ప్పుడు మ‌హా అయితే ఒక‌టో రెండో ఉండేవి, ఓ ఆడియో ఫంక్ష‌న్ లేదా 100 రోజుల వేడుక కానీ ఇప్పుడు రిలీజ్ ముందు ఓ అర‌డ‌జ‌ను ఈవెంట్లు, రిలీజ్ త‌రువాత ఓ అర‌డ‌జ‌ను ఫంక్ష‌న్ల‌తో సినిమాను ప్ర‌మోట్ చేసుకోవ‌డానికి టాలీవుడ్ ఫిల్మ్ మేక‌ర్స ర‌క‌ర‌కాల ఎత్తుగ‌డ‌లు వేస్తున్నారు.

ఈ నేప‌థ్యంలో కొంద‌రు స్టార్ హీరోలకి ప‌బ్లిసిటీ ఈవెంట్లు పై పాజిటివ్ సెంటిమెంట్లు కూడా ఉన్నాయి. మ‌హేశ్ బాబు త‌న ప‌బ్లిసిటీ ఈవెంట్స్ ని హైద‌రాబాద్ త‌ప్పితే విజ‌య‌వాడ‌లో ఏర్పాటు చేయ‌డానికి మ‌క్కువ చూపుతుంటాడు. మ‌హేశ్ కెరీర్ లో బ్లాక్ బ‌స్ట‌ర్స్ హిట్ గా నిలిచిన‌ ఒక్క‌డు ఆ త‌రువాత దూకుడు సినిమాలు స‌క్సెస్ ఈవెంట్లు బెజ‌వాడ వేదిక‌గా జ‌రిగాయి. దీంతో ఇప్పుడు మ‌హేశ్ అప్ క‌మింగ్ మూవీ మ‌హ‌ర్షి స‌క్సెస్ మీట్ ని కూడా విజ‌య‌వాడ‌లోనే జ‌రిపించేందుకు స‌న్నాహాలు చేస్తున్నార‌ని తెలిసింది. అంతేకాదు మ‌హ‌ర్షితో మ‌హేశ్ హీరోగా 25 సినిమాలు పూర్తి చేసుకోబోతున్నాడు. దీంతో మ‌హ‌ర్షి స‌క్సెస్ మీట్ తో పాటు మ‌హేశ్ సిల్వ‌ర్ జూబ్లీ ఫంక్ష‌న్ కూడా ఒకే వేదిక‌గా జ‌ర‌గ‌నున్నాయి. దాదాపు 140 కోట్ల బ‌డ్జెట్ మ‌హ‌ర్షీ చిత్రాన్ని తెర‌కెక్కించాడు డైరెక్ట‌ర్ వంశీ పైడిప‌ల్లి, అగ్ర నిర్మాత‌లు అశ్వ‌నీ ద‌త్- దిల్ రాజు- పి.వి.పి ఈ సినిమాను నిర్మించారు. మే 9న ఈ సినిమా ప్ర‌పంచ‌వ్యాప్తంగా విడుద‌ల అవుతుంది.