వర్మ ఆ సినిమాకి సీక్వెల్ ప్లాన్ చేస్తున్నాడా...?

నిత్యం వివాదాలతో సహవాసం చేస్తూ కాంట్రవర్సీ సినిమాలు తెరకెక్కిస్తూ వివాదాస్పద దర్శకుడు అనే పేరు తెచ్చుకున్నాడు రామ్ గోపాల్ వర్మ. కరోనా ప్రపంచాన్ని వణికించడం స్టార్ట్ చేసిన క్షణం నుంచి వరుస సినిమాలు అనౌన్స్ చేస్తూ ప్రేక్షకులను ఉక్కిరిబిక్కిరి చేస్తున్నారు వర్మ. ఆర్జీవీ వరల్డ్ థియేటర్ అనే ఏటీటీ ఓపెన్ చేసి ఇప్పటికే మూడు సినిమాలు రిలీజ్ చేసాడు.. నాలుగు లైన్లో పెట్టాడు. వీటిలో వివాదాస్పద టైటిల్ తో తెరకెక్కిన ''పవర్ స్టార్'' ఒకటి. ఆర్జీవీ ఇప్పటికి ఈ విషయం ఒప్పుకోనప్పటికీ ఈ సినిమా పవన్ కళ్యాణ్ ని ఉద్దేశిస్తూ తీసిందని అందరికి తెలిసిందే. 'పవర్ స్టార్' సినిమా అనౌన్స్ చేసినప్పటి నుంచి అభిమానుల ఆగ్రహానికి గురవుతూ వచ్చిన వర్మ చివరికి తన ఆఫీస్ మీద దాడి చేసే దాకా తెచ్చుకున్నాడు. అయితే ఇది కూడా తన పబ్లిసిటీకి ఉపయోగించుకుని బాగానే లాభాలు వెనకేసుకున్నాడు. ఇక ఈ సినిమా క్లైమాక్స్ లో పవన్ కళ్యాణ్ ని వీర లెవల్లో పొగిడి ఫ్యాన్స్ ని మచ్చిక చేసుకునే ప్రయత్నం చేసారు. ఈ నేపథ్యంలో 'పవర్ స్టార్ 2' సినిమా తీయాలని వర్మ ప్లాన్ చేస్తున్నట్టు ఫిలిం వర్గాల్లో టాక్ వినిపిస్తోంది.

కాగా ఇటీవల ఓ ఇంటర్వ్యూలో మాట్లాడిన వర్మ 'పవర్ స్టార్' సిరీస్ లో మరికొన్ని సినిమాలు వస్తాయని.. వాటి వివరాలు త్వరలోనే వెల్లడిస్తానని చెప్పుకొచ్చారు. ఆ సినిమాలు దీనికి కొనసాగింపుగా ఉంటాయా లేదా ప్రవన్ కళ్యాణ్ ని పెట్టి వేరే స్టోరీలను తీస్తాడా అనే విషయంపై క్లారిటీ ఇవ్వలేదు. అయితే ఇప్పుడు ''పవర్ స్టార్ '' తీసి మరోసారి మెగా ఫ్యామిలీని టార్గెట్ చేస్తూ సెటైరికల్ గా తెరకెక్కించాలని వర్మ భావిస్తున్నారట. 'పవర్ స్టార్' సినిమాలో పవన్ కళ్యాణ్ గత ఎన్నికలలో ఓటమి తర్వాత సంఘటనలు ఉహించి ఫిక్షనల్ మూవీగా తెరకెక్కించిన వర్మ ఈ సినిమాలో ఏమి చూపిస్తాడో అని ప్రేక్షకులు ఆసక్తిగా ఎదురు చూస్తున్నారు. అయితే 'పవన్ స్టార్' సినిమాలో ఆర్జీవీ పవన్ కళ్యాణ్ ని నెగిటివ్ గా కాకుండా అతని చుట్టూ చేరిన భజన బ్యాచ్ వల్లే ఈ పరిస్థితులు వచ్చాయనే కోణంలో చూపించాడు వర్మ. దీనికి సీక్వెల్ అంటే వర్మ ఎలాంటి ఫిక్షనల్ అంశాలు జోడిస్తాడో చూడాలి. ఈ వార్తల్లో నిజమెంత ఉందనేది తెలియాలంటే రామ్ గోపాల్ వర్మ ట్వీట్ చేసే వరకు వెయిట్ చేయాల్సిందే.