కీర‌వాణి లేకుండా రాజ‌మౌళి సినిమా..ఇంపాజిబుల్‌!

సంగీత ద‌ర్శ‌కుడు, రాజ‌మౌళికి స్వ‌యానా సోద‌రుడు అయిన కీర‌వాణి గ‌త కొన్నేళ్లుగా త‌మ్ముడు రాజ‌మౌళితో క‌లిసి ప్ర‌యాణిస్తున్నారు. జ‌క్క‌న్న ఏ సినిమా చేసినా కీర‌వాణి వుండాల్సిందే. ఆయ‌న లేకుండా రాజ‌మౌళి సినిమా అంటే హైలీ ఇంపాజిబుల్. 2001లో రాజ‌మౌళి ద‌ర్శ‌కుడిగా అరంగేట్రం చేసిన 'స్టూడెంట్ నెం.1' మూవీ నుంచి వీరిద్ద‌రి కాంబినేష‌న్ కి ఎక్క‌డా బ్రేక్ ప‌డ‌లేదు. కీర‌వాణి లేకుండా రాజమౌళి సినిమా చేయ‌లేదు.

గ‌త కొన్నేళ్లుగా ఈ అన్నాద‌మ్ముల జ‌ర్నీ సాఫీగా సాగిపోతూ ఇండియ‌న్ బాక్సాఫీస్ వ‌ద్ద త‌మ‌దైన స్టైల్లో మ్యాజిక్ చేస్తూ టాక్ ఆఫ్ ది ఇండియాగా మారింది. 'బాహుబ‌లి' నుంచే వీరి పేర్లు దేశ వ్యాప్తంగా మారు మోగ‌డం తెలిసిందే. హిందీలో అయితే 'బాహుబ‌లి' కోసం కీర‌వాణి స్వ‌ర‌ప‌రిచిన 'కౌన్ హై ఓ కౌన్ హై.., బ‌లి బ‌లిరా బ‌లి సాహోరే బాహుబ‌లి.. ' సాంగ్స్ ఇప్ప‌టికీ ఉత్త‌ర భార‌తాన్ని ఓ ఊపు ఊపేస్తున్నాయి. రీసెంట్ గా విడుద‌లైన పాన్ ఇండియా వండ‌ర్ 'RRR' వ‌ల్ల కూడా కీర‌వాణి, రాజ‌మౌళి పేర్లు దేశ వ్యాప్తంగా ట్రెండ్ అవుతున్నాయి.

త్వ‌ర‌లో ఆస్కార్ బ‌రిలో ప్ర‌భంజ‌నం సృష్టించ‌డానికి రెడీ అవుతున్న ఈ ఇద్ద‌రు అన్నాద‌మ్ములు సూప‌ర్ స్టార్ మ‌హేష్ తో చేయ‌బోతున్న మూవీకి విడిపోయి వ‌ర్క్ చేస్తారా? అనే ఊహాగానాలు మొద‌ల‌య్యాయి. వీటిని మ‌హేష్ అభిమానులు ప్ర‌ధానంగా నెట్టింట వైర‌ల్ చేస్తున్నారు. రాజ‌మౌళి త్వ‌ర‌లో మ‌హేష్ 29వ ప్రాజెక్ట్ ని అత్యంత భారీ స్థాయిలో తెర‌పైకి తీసుకురావడానికి స‌న్నాహాలు చేస్తున్న విష‌యం తెలిసిందే. ఇండియానా జోన్స్ త‌ర‌హాలో సాగే అడ్వెంచ‌ర‌స్ యాక్ష‌న్ థ్రిల్ల‌ర్ ని తెర‌కెక్కించబోతున్నాన‌ని ఇండైరెక్ట్ గా ఇంట్ ఇచ్చాడు రాజ‌మౌళి.

గ‌త కొన్ని నెల‌ల క్రిత‌మే త‌న తండ్రి విజ‌యేంద్ర ప్ర‌సాద్ క‌థ రాయ‌డం మొద‌లు పెట్టార‌ని, ఇదొక అడ్వెంచ‌ర్ స్టోరీ అని, ఈ జోన‌ర్ లో సినిమా చేయాల‌ని చాలా కాలంగ‌టా ఎదురుచూస్తున్నాన‌ని, 'ఇండియానా జోన్స్‌' అంటే త‌న‌కు చాలా ఇష్ట‌మ‌ని స్ప‌ష్టం చేశాడు. వ‌చ్చే ఏడాది సెట్స్ పైకి రానున్న ఈ ప్రాజెక్ట్ కోసం రాజ‌మౌళి ప్ర‌స్తుతం ప్రిప‌రేష‌న్స్ ని మొద‌లు పెట్టిన విష‌యం తెలిసిందే.

ఇదిలా వుంటే ఈ మూవీకి సంగీత ద‌ర్శ‌కుడిగా కీర‌వాణి కాకుండా ప్ర‌స్తుతం ఫామ్ లో వున్న అనిరుధ్ అయితే బాగుంటుంద‌ని మ‌హేష్ ఫ్యాన్స్ భావిస్తున్నార‌ట‌. ఇదే విష‌యాన్ని నెట్టింట వైర‌ల్ అయ్యేలా చేస్తున్నారు. అఇయ‌తే రాజ‌మౌళి సినిమా అంటే కీర‌వాణి వుండాల్సిందే.

ఆయ‌న లేకుండా జ‌క్క‌న్న సినిమా అనేది క‌ల‌. రాజ‌మౌళి భావాల‌కు అనుగుణంగా సంగీతం అందించ‌డంతో కీర‌వాణి దిట్ట‌ల‌ని, ఆ స్థాయిలో మ‌రో సంగీత ద‌ర్శ‌కుడు రాజ‌మౌళి భావాల్ని క్యాచ్ చేయ‌లేద‌ని ఇండ‌స్ట్రీ వ‌ర్గాల‌తో పాటు ఆడియ‌న్స్ కి తెలుసు. కానీ మ‌హేష్ ఫ్యాన్స్ మాత్రం ఈ సారికి అనిరుథ్ కావాల్సిందే అంటున్నారు. అది కుదిరే ప‌ని కాద‌న్న‌ది తెలిసిందే.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.