ఈసారి విక్రమ్ 'మనం-2' ప్లాన్ చేస్తున్నాడా..??

టాలీవుడ్ ఇండస్ట్రీలో అక్కినేని ఫ్యామిలీకి ఓ ప్రత్యేక అభిమానం ఉంది. ఈ ఫ్యామిలీ నుండి వచ్చిన హీరోలంతా ఎవరికీ వారు వారి టాలెంట్ ప్రూవ్ చేసుకొని ఇండస్ట్రీలో కొనసాగుతున్నారు. ఎంత సినిమా ఫ్యామిలీ నుండి వచ్చినా హిట్స్ లేకపోతే మరుగున పడిపోవాల్సిందే అనే విషయం విదితమే. అయితే అక్కినేని ఫ్యామిలీలో ప్రస్తుతం సక్సెస్ ఫుల్ గా ఫామ్ మెయింటైన్ చేస్తున్నాడు నాగచైతన్య. చివరి సినిమా మజిలీతో మంచి విజయం అందుకున్న చైతూ.. ప్రస్తుతం శేఖర్ కమ్ముల దర్శకత్వంలో 'లవ్ స్టోరీ' అనే సినిమాను విడుదలకు రెడీ చేసాడు. అయితే నాగచైతన్య తదుపరి థాంక్యూ అనే సినిమా చేస్తున్నాడు. గతంలో అక్కినేని మూడు తరాలను కలిపి మనం అనే అద్భుతమైన సినిమా తీసిన విక్రమ్ కె.కుమార్ దర్శకత్వంలో ఈ సినిమా చేస్తున్నాడు.

విక్రమ్ కె.కుమార్ పై అక్కినేని ఫ్యామిలీకి ప్రత్యేక అభిమానం.. అలాగే అక్కినేని ఫ్యామిలీ అంటే విక్రమ్ కి కూడా ఫేవరేటే. అందుకే మనం తర్వాత అఖిల్ హీరోగా హలో సినిమా, నాగచైతన్య హీరోగా 'థాంక్యూ' సినిమాలకు ఓకే చెప్పారు. అయితే విక్రమ్ కెరీర్ లో బిగ్గెస్ట్ హిట్ అంటే మనం అనే చెప్పాలి. ఆ సినిమా బాక్సాఫీస్ వద్ద అవార్డులు కూడా అందుకుంది. ఇదిలా ఉండగా.. ప్రస్తుతం విక్రమ్ గురించి వార్తలు చక్కర్లు కొడుతున్నాయి. అదేంటంటే విక్రమ్ త్వరలోనే మనం-2 మూవీ ప్లాన్ చేస్తున్నట్లు సమాచారం. ఇప్పటికే స్టోరీ కూడా రెడీ అయ్యిందట. అక్కినేని నాగార్జున, నాగచైతన్య, అఖిల్, సమంతలతో పాటు ఈసారి ఫ్యామిలీ మొత్తం అంటే సుమంత్, సుశాంత్, అమలను కూడా ఈ సినిమాలో భాగం చేయబోతున్నట్లు తెలుస్తుంది. మరి ఇదే నిజమైతే ఓ సినిమాలో టోటల్ కుటుంబసభ్యులు నటించిన ఫస్ట్ సినిమా ఇదే అవుతుంది. మరి విక్రమ్ మైండ్ లో ఏముందో తెలియాలంటే కొంతకాలం ఆగల్సిందే.