ఆ హీరోయిన్ దారి మార్చకపోతే కష్టమేనట..!

దక్షిణాది చిత్రపరిశ్రమలో మహానటి సినిమాతో తన ప్రతిభను చాటుకుంది కీర్తిసురేష్. ఆ సినిమా పుణ్యమా అని తర్వాత నుండి మేకర్స్ దృష్టిలో కీర్తి కాస్త ప్రత్యేకం అయింది. అప్పటినుండి కీర్తితో సినిమాలు చేయడానికి సౌత్ మేకర్స్ అందరూ క్యూ కట్టారు. మహానటి తర్వాత కీర్తి కథల విషయంలో జాగ్రత్త పడినట్లే అనిపిస్తుంది. కానీ వరుసగా లేడీ ఓరియెంటెడ్ సినిమాలే లైన్ లో పెట్టింది. మహానటి తర్వాత కీర్తి నుండి పెంగ్విన్ సినిమా వచ్చింది. అమెజాన్ ప్రైమ్ లో విడుదలైన ఆ సినిమా ప్లాప్ అయింది. ఆ తర్వాత మరో లేడీ ఓరియెంటెడ్ మూవీ మిస్ ఇండియా.. ఈ సినిమా ఇటీవలే ఓటిటిలో విడుదలైంది. మరో ఫ్లాప్ తన ఖాతాలో వేసుకుంది కీర్తి. ఈమె కూడా లేడీ ఓరియెంటెడ్ మూవీస్ చక్రంలో ఇరుక్కుంటుందని అంతా భావిస్తున్నారు.

ఎందుకంటే మహానటి.. పెంగ్విన్.. మిస్ ఇండియా.. గుడ్ లక్ సఖీ సినిమాలు అదే లేడీ ఓరియెంటెడ్ కోవకు చెందినవే. అయితే ఇలాగే గతంలో స్టార్ హీరోయిన్ అనుష్కశెట్టి కూడా లేడీ ఓరియెంటెడ్ ఫిల్మ్ అరుంధతి చేశాకే ఇదే బాటపట్టింది. ఆ సినిమా అనుష్కకి గొప్ప పేరుతో పాటు స్టార్ ఇమేజ్ తీసుకొచ్చింది. ఆ తర్వాత వేదం.. పంచాక్షరీ.. భాగమతి, రీసెంట్ గా నిశ్శబ్దం సినిమాలు తీసి ఆకట్టుకోలేకపోయింది. మరి కీర్తి కూడా అనుష్క బాటలో నడుస్తుందేమో అంటూ సందేహాలు వ్యక్తం అవుతున్నాయి. లేడీ ఓరియెంటెడ్ మూవీస్ చేస్తూ వెళ్తే అవకాశాలు తగ్గే ఛాన్స్ ఉంది. అసలే కీర్తి గ్లామర్ రోల్స్ చేయనని చెప్పింది. అలాంటప్పుడు ఆ జోనర్ పక్కనపెట్టి హీరోల సరసన మంచి రోల్స్ చేస్తేనే బాగుంటుందని అంటున్నారు. త్వరలో కీర్తి నుండి గుడ్ లక్ సఖి అనే లేడీ ఓరియెంటెడ్ మూవీ రాబోతుంది. ఇదిలా ఉండగా.. ప్రస్తుతం అమ్మడి చేతిలో నితిన్ హీరోగా రంగ్ దే.. మహేష్ బాబుతో 'సర్కారు వారి పాట' సినిమాలు ఉన్నాయి. వీటిపై కీర్తి భారీ ఆశలే పెట్టుకుందని సమాచారం.