అందమైన అమ్మాయితో అందమైన ప్రకృతి

ఈ లాక్ డౌన్ స‌మ‌యంలో జాన్వీ క‌పూర్ వ‌రుస ఫోటోషూట్ల‌తో అభిమానుల‌కు మ‌రింత చేరువైన సంగ‌తి తెలిసిందే. ఇంత‌కుముందు మాల్దీవుల విహారంలో బికినీ ఫోటోషూట్ సంచ‌ల‌నంగా మారింది. ఆ త‌ర్వాత ర‌క‌ర‌కాల ఫ్యాష‌న్ ఈవెంట్ల ఫోటోల‌తో జాన్వీ ఇన్ స్టా మాధ్య‌మంగా భారీ ఫాలోయింగ్ ని పెంచుకుంది. ఈ వేదిక‌పై నిరంత‌రం త‌న లైఫ్ జ‌ర్నీని జాన్వీ షేర్ చేస్తోంద‌నే చెప్పాలి.

తాజాగా ఈ గురువారం తన ఇంటి నుండి సూర్యాస్తమయ దృశ్యానికి సంబంధించిన అరుదైన ఫోటోల‌ను జాన్వీ షేర్ చేయ‌గా అవి అభిమానుల్లో వైర‌ల్ గా మారాయి. జాన్వీ తన స్నేహితులతో ముంబై స్కైలైన్ ని వీక్షిస్తూ సూర్యాస్తమయాన్ని ఆస్వాధిస్తున్న ఫోటోల్ని షేర్ చేసింది. ఆమె ఈ ఫోటోలకు క్యాప్షన్ ఇవ్వలేదు కానీ `హార్ట్ ఎమోజీ`ని జోడించింది.

ఒక ఫోటోలో జాన్వీ తన ఇంటి బాల్కనీలో నిలబడి కెమెరా కు వెనుకభాగంతో కనిపిస్తుంది. రెండవ ఫోటో ప్రకాశవంతమైన నీలి ఆకాశంలోకి చొచ్చుకెళ్లిన‌ భవనాలను చూపిస్తుంది. చివరి రెండు చిత్రాలలో బాల్కనీలో జాన్వి త‌న‌ స్నేహితులతో క‌లిసి ముచ్చ‌ట్లాడుతూ నవ్వుతూ కనిపిస్తోంది. ఇవి అరుదైన జ్ఞాప‌కాలు. లైఫ్ లో మ‌రువ‌లేనివి. అందుకే అభిమానుల నుంచి స్పంద‌న అంతే ఇదిగా ఉంది. చాలా మంది అభిమానులు హార్ట్  ఫైర్ ఎమోజీలను వదులుకున్నారు. బ్యూటీ క్వీన్ అని ఒక అభిమాని పొగిడేస్తే... మరొకరు చాలా అందంగా ఉన్నారు అని.. వ్యాఖ్యానించాడు. వేరొక అభిమాని ``అందమైన అమ్మాయితో అందమైన ప్రకృతి`` అని పొగిడేశాడు.

ఇటీవల జాన్వీ తన పర్యటనలకు సంబంధించిన జ్ఞాపకాలతో కూడిన వీడియో మాంటేజ్ ను ఇన్ స్టాగ్ర‌మ్ లో షేర్ చేయ‌గా వైర‌ల్ అయ్యింది. జాన్వీ ఈ సంవత్సరం యుఎస్ - మాల్దీవులకు వెళ్లిన‌ప్ప‌టి వీడియోలు అవి.

కెరీర్ మ్యాట‌ర్ కి వ‌స్తే..జాన్వీ న‌టించిన రూహీ ఇటీవ‌ల రిలీజైంది. ప్రేక్షకులు విమర్శకుల నుండి మిశ్రమ సమీక్షలను అందుకుంది. త‌దుప‌రి `దోస్తానా 2` లో కనిపిస్తుంది. ఈ చిత్రంలో కార్తీక్ ఆర్య‌న్ స్థానంలో లక్ష్ లాల్వానీ నటించనున్నారని ధ‌ర్మ ప్రొడ‌క్ష‌న్స్ సంస్థ ప్ర‌క‌టించింది. కరణ్ జోహార్ ద‌ర్శ‌క‌త్వంలోని `తఖ్త్` లో జాన్వి న‌టించ‌నుంది. ఇందులో రణ్‌వీర్ సింగ్- కరీనా కపూర్ ఖాన్ - అలియా భట్- భూమి పెడ్నేకర్- అనిల్ కపూర్ నటించ‌నున్నారు.