విలన్ అన‌గానే రజనీకాంత్ కి తెలుగు న‌టులే గుర్తుకొస్తున్న‌ట్టున్నారు. `శివాజీ`లో విలన్ గా సుమ‌న్, `లింగ`లో జ‌గ‌ప‌తిబాబు. ఇప్పుడేమో జేడీ చ‌క్ర‌వ‌ర్తి పేరు వినిపిస్తోంది. రజనీకాంత్ క‌థానాయ‌కుడిగా న‌టించ‌నున్న కొత్త సినిమాలో జేడీ విలన్ గా ఎంపిక‌య్యాడ‌ని ప్ర‌చారం సాగుతోంది. జేడీ చ‌క్ర‌వ‌ర్తి మొద‌ట విలన్ గానే తెర‌కు ప‌రిచ‌య‌మ‌య్యాడు. ఆ త‌ర్వాత హీరో గా ప్ర‌మోష‌న్ పొందాడు. చాలా సినిమాల్లో హీరోగా న‌టించి టాలీవుడ్ నుంచి బాలీవుడ్ వ‌ర‌కు పేరు తెచ్చుకొన్నాడు. హీరోగా క్రేజ్ త‌గ్గిపోవ‌డంతో మ‌ళ్లీ విలన్ పాత్ర‌ల‌తో హ‌డావుడి చేయ‌డం మొద‌లుపెట్టాడు. తెలుగు, త‌మిళం, మ‌ల‌యాళం... ఇలా రీజ‌న‌ల్ లాంగ్వేజెస్‌ లో జేడీ ఇప్పుడు విలన్ గా ఫుల్ ఫామ్‌ లో ఉన్నాడు. అది చూసిన ర‌జ‌నీ త‌న ఫిజిక్‌ కి త‌గ్గ‌ట్టుగా విలన్ పాత్ర‌కి జేడీ అయితేనే క‌రెక్ట్ అనుకొన్నాడ‌ట. అదే విష‌యాన్ని ద‌ర్శ‌కుడికి చెప్పేస‌రికి ఆయ‌న కూడా జేడీకే ఓటేసిన‌ట్టు స‌మాచారం.
ఇంకా అధికారికంగా ప్ర‌క‌టించలేదు కానీ... ఆగ‌స్టు 1న సెట్స్‌ పైకి వెళ్ల‌నున్న ర‌జ‌నీ కొత్త చిత్రంలో జేడీ నే విలన్ అని కోలీవుడ్ జ‌నాలు చెప్పుకొంటున్నారు. రంజిత్ ద‌ర్శ‌క‌త్వం వ‌హిస్తున్న ఈ సినిమాకి `కాళీ` అనే పేరు ప్ర‌చారంలో ఉంది. ఇందులో ర‌జ‌నీ ఓ గ్యాంగ్‌ స్ట‌ర్‌ గా క‌నిపిస్తార‌ని భోగ‌ట్టా. మ‌రి జేడీ పాత్ర ఏంట‌న్న‌ది ఇప్పుడు ఆస‌క్తికరంగా మారింది. ఈ సినిమాలో ర‌జ‌నీ స‌ర‌స‌న క‌థానాయిక‌గా రాధికా ఆప్టే న‌టిస్తుంద‌ని స‌మాచారం. మ‌లేషియాలో తొలి షెడ్యూల్ చిత్రీక‌ర‌ణ చేప‌డ‌తారు.
ఇంకా అధికారికంగా ప్ర‌క‌టించలేదు కానీ... ఆగ‌స్టు 1న సెట్స్‌ పైకి వెళ్ల‌నున్న ర‌జ‌నీ కొత్త చిత్రంలో జేడీ నే విలన్ అని కోలీవుడ్ జ‌నాలు చెప్పుకొంటున్నారు. రంజిత్ ద‌ర్శ‌క‌త్వం వ‌హిస్తున్న ఈ సినిమాకి `కాళీ` అనే పేరు ప్ర‌చారంలో ఉంది. ఇందులో ర‌జ‌నీ ఓ గ్యాంగ్‌ స్ట‌ర్‌ గా క‌నిపిస్తార‌ని భోగ‌ట్టా. మ‌రి జేడీ పాత్ర ఏంట‌న్న‌ది ఇప్పుడు ఆస‌క్తికరంగా మారింది. ఈ సినిమాలో ర‌జ‌నీ స‌ర‌స‌న క‌థానాయిక‌గా రాధికా ఆప్టే న‌టిస్తుంద‌ని స‌మాచారం. మ‌లేషియాలో తొలి షెడ్యూల్ చిత్రీక‌ర‌ణ చేప‌డ‌తారు.