మెగా హీరో మూవీలో జర్నీ బ్యూటీ

హీరోల ఇమేజ్ ఈ మధ్య సినిమాలు రిలీజ్ కాకముందే చాలా పెరిగిపోతోంది. విడుదల తరువాత రిజల్ట్ ఎలా ఉంటుంది అనేది తరువాత సంగతి. సినిమాకు క్రేజ్ ఏ రేంజ్ లో వస్తుందనేది ఈ రోజుల్లో ముఖ్యం. సినిమాల ప్రీ ప్రొడక్షన్ వర్క్స్ నుండే చిత్ర యూనిట్ ప్రతి పనిలో సినిమాపై అంచనాలు పెరిగేలా చేస్తోంది. అదే తరహాలో మెగా పవర్ స్టార్ రామ్ చరణ్ కొత్త ప్రాజెక్ట్ పై కూడా భారీ అంచనాలు పెరిగిపోతున్నాయి.

బోయపాటి దర్శకత్వంలో రాబోతోన్న ఈ సినిమాలో క్యాస్టింగ్ ఎక్కువగా ఆకర్షిస్తోంది. ముఖ్యంగా బాలీవుడ్ నటీనటులను దర్శకుడు ఈ సారి ఎక్కువగా పోగు చేశాడు. బాలీవుడ్ స్టార్ యాక్టర్ వివేక్ ఒబేరాయ్ సినిమాలో మెయిన్ విలన్ గా కనిపించబోతున్నాడు. హీరోయిన్ గా కైరా అద్వానీ సినిమాలో కనిపించబోతోంది. ఇక కోలీవుడ్ నుంచి కూడా బోయపాటి ఒక హీరోయిన్ ను సెట్ చేశాడు. అమాయకంగా కనిపించే అనన్య ను సినిమాలో సెకండ్ హీరోయిన్ గా సెలెక్ట్ చేశారు. సినిమాలో నవీన్ చంద్ర కి జోడిగా ఆ బ్యూటీ నటించనుందట.

ఇంతకుముందు అనన్య జర్నీ సినిమాతో తెలుగు ప్రేక్షకులకు బాగా దగ్గరైన విషయం తెలిసిందే. ఇక త్రివిక్రమ్ అఆ సినిమాలో కూడా కనిపించి తనదైన శైలి నటనతో అందరిని ఆకర్షించింది. సినిమాలో అమ్మడి పాత్ర చాలా కీలకమని తెలుస్తోంది. బోయపాటి సినిమా రెగ్యులర్ షూటింగ్ స్టార్ట్ చేయకముందే స్టార్స్ ని సెలెక్ట్ చేస్తూ అంచనలని పెంచుతున్నారు. పూర్తిగా మాస్ యాక్షన్ ఎంటర్టైనర్ గా తెరకెక్కబోయే ఈ సినిమాను ప్రముఖ నిర్మాత డివివి.దానయ్య బారి బడ్జెట్ తో నిర్మించనున్నాడు.