మ‌ల్టీస్టార‌ర్ కోసం నేష‌న‌ల్ క్ర‌ష‌న్ ని దించుతున్నాడా?

ఇప్ప‌టికే నేష‌న‌ల్ క్ర‌ష్ ర‌ష్మిక మంద‌న్నా పాన్ ఇండియాలో సంచ‌ల‌న బ్యూటీగా మారిపోయింది.` పుష్ప‌-2` విజ‌యం తో పాన్ ఇండియాలో ఆమె రేంజ్ అంత‌కంత‌కు రెట్టింపు అయింది. కొన్నాళ్ల పాటు ర‌ష్మిక కెరీర్ కి ఎలాంటి ఢోకా లేదు. జీవితం న‌ల్లేరు మీద న‌డ‌క‌లా సాగిపోతుంది. వ‌ద్ద‌న్నా అవ‌కాశాలు వ‌స్తూనే ఉంటాయి. ర‌ష్మిక సైతం తాను ఏమాత్రం ఊహించ‌ని ఫేజ్ కి వెళ్లిపోయింది. స్టార్ హీరోలే ఆమె కోసం ఎదురు చూసే రోజులు వ‌చ్చినా ఆశ్చ‌ర్య‌పోవాల్సిన ప‌నిలేదు.

బెంగుళూరు నుంచి ఓ న‌టి ఇంత‌గా సంచ‌ల‌నం అవ్వ‌డం అన్న‌ది ఇదే తొలిసారి. ప్ర‌స్తుతం ర‌ష్మిక చేతిలో చాలా ప్రాజెక్ట్ లున్నాయి. ఈ నేప‌థ్యంలో అమ్మ‌డు అట్లీ ప్రాజెక్ట్ లోనూ భాగ‌మ‌య్యే అవ‌కాశం క‌నిపిస్తోంది. `జవాన్` త‌ర్వాత అట్లీ బాలీవుడ్-కోలీవుడ్ లో భారీ మ‌ల్టీస్టార‌ర్ కు రంగం సిద్దం చేస్తున్నాడు. హిందీ నుంచి స‌ల్మాన్ ఖాన్ హీరోగా తీసుకుంటున్నాడు. అలాగే కోలీవుడ్ నుంచి ర‌జ‌నీకాంత్ గానీ, క‌మ‌ల్ హాస‌న్ గానీ తీసుకుని భారీ మ‌ల్టీస్టార‌ర్ చేయాల‌ని చూస్తున్నాడు.

ఇప్ప‌టికే స్టోరీ సిద్ద‌మైంది. బాలీవుడ్ నుంచి దాదాపు స‌ల్మాన్ ఖాన్ ఫైన‌ల్ అయిన‌ట్లే. కోలీవుడ్ హీరో విష‌యంలో ఇంకా త‌ర్జ‌న భ‌ర్జ‌న న‌డుస్తోంది. ఈనేప‌థ్యంలో ఇదే ప్రాజెక్ట్ లో ర‌ష్మిక మంద‌న్నాని ఓ హీరోయిన్ గా తీసుకోవాల నుకుంటున్నాడుట‌. ఇటీవ‌లే అట్లీ స్టోరీ వినిపించాడుట‌. న‌చ్చ‌డంతో ర‌ష్మిక కూడా గ్రీన్ సిగ్నెల్ ఇచ్చింద‌ని స‌మాచారం. ఇలాంటి స‌మ‌యంలో ర‌ష్మిక మ‌ల్టీస్టార‌ర్ లో భాగ‌మైతే ఆమె క్రేజ్ ఇంకా రెట్టింపు అవుతుంది.

ఇప్ప‌టికే ర‌ష్మిక హీరోయిన్ గా స‌ల్మాన్ ఖాన్ తో క‌లిసి `సికింద‌ర్` చిత్రంలో న‌టిస్తోన్న సంగ‌తి తెలిసిందే. సీనియ‌ర్ హీరోతో అమ్మ‌డు కొన్ని రొమాంటిక్ స‌న్నివేశాల్లోనూ న‌టిస్తుంద‌నే ప్ర‌చారం ఉంది. తాజాగా మ‌రోసారి అదే హీరో మ‌ల్టీ స్టార‌ర్ లో ఛాన్స్ రావ‌డం అంటే గొప్ప విష‌య‌మే. అట్లీ సినిమాల్లో హీరోయిన్ల పాత్ర‌కు మంచి స్కోప్ ఉంటుంది. పెర్పార్మెన్స్ కి ఛాన్స్ ఉంటుంది. అలాంటి అవ‌కాశాన్ని ర‌ష్మిక ఎందుకు వ‌దులుకుంటుంది.