సౌత్ సినిమాలో తెర మీదే కాక.. నిజ జీవితంలోనూ ఎవ‌ర్ గ్రీన్ జంట‌గా పేరు పొందారు సూర్య - జ్యోతిక జంట. పూవెల్లా కేట్టుపార్ - కాక్క కాక్క - సిల్లును ఒరు కాద‌ల్ (తెలుగులో నువ్వు నేను ప్రేమ) లాంటి సినిమాల‌తో త‌మిళ ప్రేక్ష‌కుల మ‌న‌సు దోచిందీ జంట. ఇక సూర్య - జ్యోతిక వేర్వేరుగా తెలుగు ప్రేక్ష‌కుల్ని కూడా ఆక‌ట్టుకున్నారు. ఐతే చివ‌ర‌గా నువ్వు నేను ప్రేమ సినిమాతో మురిపించిన ఈ జంట మ‌ళ్లీ క‌లిసి తెర‌మీద క‌నిపించ‌లేదు. అస‌లు సూర్య‌ను పెళ్లి చేసుకున్నాక జ్యోతిక సినిమాల‌కే దూర‌మైపోయింది. ఈ మ‌ధ్యే 36 వ‌య‌దినిలే సినిమాతో త‌మిళ సినిమాల్లోకి పున‌రాగ‌మ‌నం చేసిన జ్యోతిక‌కు.. త‌ర్వాత వ‌రుస ఆఫ‌ర్లు వ‌చ్చినా ఆమె అంగీక‌రించ‌లేదు.
ఐతే తాజా స‌మాచారం ఏంటంటే.. జ్యోతిక ఇంకో సినిమాలో న‌టించ‌బోతోంద‌ట. అందులో సూర్య‌నే క‌థానాయ‌కుడు కావ‌డం విశేషం. కుట్రం క‌డితాల్ అనే సినిమాతో గ‌త ఏడాది జాతీయ అవార్డు గెలిచిన బ్ర‌హ్మ‌నాథ‌న్ త‌న త‌ర్వాతి సినిమాను జ్యోతిక‌తో చేయ‌బోతున్న‌ట్లు ఇటీవ‌లే ప్ర‌క‌టించాడు. ఐతే ఇందులో సూర్య కూడా న‌టిస్తాడ‌న్న‌ది లేటెస్ట్ న్యూస్‌. అంతే కాదు.. జ్యోతిక రీఎంట్రీ మూవీని నిర్మించిన‌ట్లే ఈ చిత్రాన్ని కూడా సూర్య‌నే ప్రొడ్యూస్ చేయ‌బోతున్నాడు. 24 సినిమాను పూర్తి చేసి.. సింగం3 షూటింగులో బిజీగా ఉన్న సూర్య త్వ‌ర‌లోనే ఈ సినిమాను సెట్స్ మీదికి తీసుకెళ్లాల‌ని చూస్తున్నాడు. ఈ ఎవ‌ర్ గ్రీన్ జంట‌ను మ‌ళ్లీ తెర‌మీద చూడ‌బోతుండ‌టం అటు త‌మిళంతో పాటు ఇటు తెలుగు ప్రేక్ష‌కుల‌కు కూడా సంతోషాన్నిచ్చే విష‌య‌మే.
ఐతే తాజా స‌మాచారం ఏంటంటే.. జ్యోతిక ఇంకో సినిమాలో న‌టించ‌బోతోంద‌ట. అందులో సూర్య‌నే క‌థానాయ‌కుడు కావ‌డం విశేషం. కుట్రం క‌డితాల్ అనే సినిమాతో గ‌త ఏడాది జాతీయ అవార్డు గెలిచిన బ్ర‌హ్మ‌నాథ‌న్ త‌న త‌ర్వాతి సినిమాను జ్యోతిక‌తో చేయ‌బోతున్న‌ట్లు ఇటీవ‌లే ప్ర‌క‌టించాడు. ఐతే ఇందులో సూర్య కూడా న‌టిస్తాడ‌న్న‌ది లేటెస్ట్ న్యూస్‌. అంతే కాదు.. జ్యోతిక రీఎంట్రీ మూవీని నిర్మించిన‌ట్లే ఈ చిత్రాన్ని కూడా సూర్య‌నే ప్రొడ్యూస్ చేయ‌బోతున్నాడు. 24 సినిమాను పూర్తి చేసి.. సింగం3 షూటింగులో బిజీగా ఉన్న సూర్య త్వ‌ర‌లోనే ఈ సినిమాను సెట్స్ మీదికి తీసుకెళ్లాల‌ని చూస్తున్నాడు. ఈ ఎవ‌ర్ గ్రీన్ జంట‌ను మ‌ళ్లీ తెర‌మీద చూడ‌బోతుండ‌టం అటు త‌మిళంతో పాటు ఇటు తెలుగు ప్రేక్ష‌కుల‌కు కూడా సంతోషాన్నిచ్చే విష‌య‌మే.