కొండ చిలువతో 'చందమామ'..

కాజల్ అగర్వాల్.. క్యూట్ బ్యూటీగా టాలీవుడ్ ను కొద్దికాలం పాటు ఏలింది. ఇప్పుడు నవతరం హీరోయిన్ల రాకతో ఆమె గ్రాఫ్ కాస్త తక్కువైంది. ఆడపాదడపా సినిమాల్లో నటిస్తూ అలరిస్తోంది. ఆమె కెరీర్ చివరి దశలో ఉందన్న మాటలు వినిపించాయి.. అయితే తాజాగా ఓ మంచి అవకాశం ఆమె తలుపుతట్టింది.

ప్రస్తుతం యంగ్ హీరో బెల్లంకొండ సాయి శ్రీనివాస్ తో కలిసి కాజల్ నటిస్తోంది. తేజ దర్శకత్వం వహిస్తున్నారు. ఈ సినిమా షూటింగ్ ప్రస్తుతం థాయ్ లాండ్ లో జరుగుతోంది. ఎప్పుడూ బిజి బిజీగా ఉండే కాజల్ తాజాగా తన సోషల్ మీడియా ఖాతాలో ఈ సినిమా అప్ డేట్స్ పోస్టు చేస్తూ సందడి చేస్తోంది.

తాజాగా థాయ్ లాండ్ లోని నఖోమ్ ఫాథోమ్ ప్రావిన్స్ లో ఈ సినిమా షూటింగ్ జరుగుతోంది. ఈ పార్క్ లోని ఓ కొండ చిలువను మెడలో వేసుకొని కాజల్ కెమెరాకు ఫోజిచ్చింది. ఏమాత్రం జంకు భయం లేకుండా సర్ ప్రైజ్ ఇచ్చింది. ఈ వీడియోను కాజల్ ఇన్ స్టాగ్రామ్ లో షేర్ చేయగా అది ఇప్పుడు సోషల్ మీడియాలో వైరల్ గా మారింది.

Full View