ప్చ్.. 'చందమామ' కథలో నిజమెంతో

కాజల్ అగర్వాల్ ని చందమామ సినిమా తర్వాత అందరూ అలాగే గుర్తు పెట్టేసుకున్నారు. ఈ సుందరాంగికి వేరే ముద్దు పేరు అవసరం లేకుండా పోయింది. అప్పటి నుంచి కాజల్ ను జనాలు చందమామ అనే పిలుచుకుంటున్నారు. మరి ఆ ప్రభావం పడినట్లుంది ఈ భామపై. అందుకే చందమామ కథలు వినిపించేస్తోంది. ప్రస్తుతం దో లఫ్జోం కీ కహానీ అనే బాలీవుడ్ మూవీలో నటిస్తోంది కాజల్.

ఈ సినిమాలో రణదీప్ హుడాకి ఇచ్చి లిప్ కిస్ పై తెగ హంగామా జరిగిపోయింది. స్క్రిప్ట్ లో లేకపోయినా ఓ రొమాంటిక్ సీన్ తీస్తున్న సమయంలో.. హఠాత్తుగా కాజల్ కి రణదీప్ లిక్ లాక్ వేశాడని.. దీనిపై కాజల్ బాగా హర్ట్ అయిందని యూనిట్ వర్గాలు లీకులిచ్చాయి. అంతే కాదు.. ఆ తర్వాత కాజల్ ని ప్రసన్నం చేసుకోవడానికి చాలా సమయం పట్టిందని కూడా చెప్పారు. వినడానికి బాగానే ఉన్నా.. స్క్రిప్ట్ లో లేకుండా, కాజల్ కి తెలీకుండా ముద్దు పెట్టాడనే న్యూస్ ని పబ్లిసిటీ స్టంట్ అనాల్సిందే.

గతంలో ఓ మేగజైన్ కి టాప్ లెస్ పోజులిచ్చి.. అబ్బెబ్బే అవన్నీ మార్ఫింగ్ అంది కాజల్. ఆ మేగజైన్ సంస్థ కేసు వేస్తామని అనడంతో.. అప్పుడు తనే పోజిచ్చానని ఒప్పుకుంది. ఇప్పుడు కూడా దో లఫ్జోం కీ కహానీకి పబ్లిసిటీ కోసం ఇలా తనకు తెలీకుండానే ముద్దు అంటూ హడావిడి చేస్తున్నట్లుగా కనిపిస్తోంది. ఎంత చందమమా కథ అయితే.. మాత్రం నమ్మేలా చెప్పాలి కదా కాజల్..