జనసేనకు చిన్నల్లుడి జై

జనసేనకు మెల్ల మెల్లగా మెగా ఫ్యామిలీ మద్దతు పెరుగుతూ వస్తోంది. పవన్‌ కళ్యాణ్‌ కు మద్దతుగా నిలుస్తూనే జనసేన తరపున ఎంపీగా కూడా మెగా బ్రదర్‌ పోటీ చేస్తున్న విషయం తెల్సిందే. పవన్‌ కళ్యాణ్‌ మరియు నాగబాబులకు మద్దతుగా ఇప్పటికే నిహారిక మరియు వరుణ్‌ తేజ్‌ లు ఎన్నికల ప్రచారంలో పాల్గొన్నారు. అల్లు అర్జున్‌ కూడా జనసేనకు మద్దతుగా నిలిచి ఒక ప్రెస్‌ నోట్‌ ను విడుదల చేసి పవన్‌ కళ్యాణ్‌ మరియు నాగబాబు గార్లకు ఓటు వేయాలని ఫ్యాన్స్‌ మరియు ప్రజలను కోరడం జరిగింది.

ఇక రామ్‌ చరణ్‌ కూడా సోషల్‌ మీడియా ద్వారా జనసేనకు జై కొట్టాడు. విజయవాడలో పవన్‌ కళ్యాణ్‌ ను కలిసిన రామ్‌ చరణ్‌ జనసేనకు ఓటు వేయాలంటూ పిలుపునిచ్చాడు. బాబాయి కోసం ఎన్నికల ప్రచారంలో కూడా పాల్గొంటాడని వార్తలు వచ్చాయి. అయితే ఆ విషయమై ఇంకా ఎలాంటి క్లారిటీ లేదు. ఇక సాయి ధరమ్‌ తేజ్‌ కూడా మామయ్య పవన్‌ కళ్యాణ్‌ కు ఎప్పుడు తన మద్దతు ఉంటుందని ప్రకటించిన విషయం తెల్సిందే. తాజాగా మెగాస్టార్‌ చిన్నల్లుడు కళ్యాణ్‌ దేవ్‌ కూడా పవన్‌ కళ్యాణ్‌ కు మద్దతు తెలిపాడు.

జన శ్రేయస్సునే తన దారిగా ఎంచుకున్న జనసేనాని పవన్‌ కళ్యాణ్‌ గారిని అమూల్యమైన మన ఓటుతో గాజు గ్లాస్‌ గుర్తును గెలిపిద్దాం. ఆయన వెనుక మన బలం ఉందని నిరూపిద్దాం. జనం కోసం ఆయన వేయాలనుకునే బంగారు బాటకు మన ఓటుతో చేయూతనిద్దాం. పవన్‌ కళ్యాణ్‌ గారి రాజకీయ ప్రస్థానంకు నా హృదయపూర్వక శుభాభినందనలు జై జనసేన... అంటూ సోషల్‌ మీడియాలో కళ్యాణ్‌ ధేవ్‌ పోస్ట్‌ చేశాడు.

మెగా ఫ్యామిలీ నుండి దాదాపు అంతా కూడా జనసేనకు జై కొట్టి, గ్లాజు గ్లాస్‌ కు ఓటు వేయమని చెప్పేశారు. పవన్‌ కళ్యాణ్‌ కు మెగా మద్దతుతో పాటు, మెగా ఫ్యాన్స్‌ మద్దతు భారీగా ఉన్న నేపథ్యంలో ఆయన ఎల్లుండి జరుగబోతున్న ఎన్నికల్లో ఏ స్థాయిలో ప్రభావం చూపుతాడు అనేది వేచి చూడాలి.