క‌రీనాకోసం మ‌హేష్‌

బాలీవుడ్ స్టార్స్‌ తో మ‌హేష్‌ బాబుకి మంచి సంబంధాలున్నాయి. షారుఖ్‌ ఖాన్ మొద‌లుకొని అంద‌రూ కూడా మ‌హేష్‌ కి స్నేహితులే. న‌మ్ర‌త శిరోద్క‌ర్‌ ని పెళ్లి చేసుకొన్నాక బాలీవుడ్‌ కి మ‌హేష్‌ బాబు ఇంకా ద‌గ్గ‌రైపోయాడు. మ‌హేష్ ఛార్మింగ్ చూసి బాలీవుడ్ స్టార్లంద‌రూ కూడా హిందీలో న‌టించ‌మ‌ని కోరుతుంటార‌ట‌. కానీ మ‌హేష్‌ బాబే ఒప్పుకోడు. తెలుగులో చేయాల్సిన సినిమాలే ఉన్నాయి క‌దా అంటూ హిందీ ఆలోచ‌న‌ల్ని తిర‌స్కరిస్తుంటాడు. అయితే బాలీవుడ్ స్టార్ల‌కి తెలుగు సినిమాల‌పై మ‌న‌సు మ‌ళ్లిందంటే మాత్రం వెంట‌నే మ‌హేష్‌ బాబుకి ఫోన్ చేస్తుంటార‌ట‌. ఫ‌లానా సినిమా వ‌చ్చింద‌ట క‌దా ఎలా ఉంది అని అడుగుతుంటార‌ట‌. మ‌హేష్ ఆ సినిమాల గురించి చెబుతుంటాడ‌ట‌.

అంత‌టితో ఆగ‌కుండా వాటి తాలూకు డీవీడీల్ని సేక‌రించి పంపిస్తుంటాడ‌ట. క‌రీనాక‌పూర్‌ - సైఫ్ అలీఖాన్‌ లు తెలుగు సినిమాల్ని అలానే చూస్తుంటార‌ట‌. ఆ విష‌యాన్ని స్వ‌యంగా బ‌య‌ట‌పెట్టింది క‌రీనాక‌పూర్‌. ``మా సైఫ్‌ కి... మ‌హేష్‌ బాబు - న‌మ్ర‌త మంచి స్నేహితులు. వాళ్లే మాకు తెలుగు సినిమాల్ని పంపిస్తుంటారు. నేను, సైఫ్ క‌లిసి ఆ సినిమాల్ని చూస్తుంటాం. చాలా బావుంటాయి`` అని చెప్పుకొచ్చింది క‌రీనా. భాష రాక‌పోవ‌డంతో ఆగిపోయాను కానీ... లేదంటే మాత్రం తెలుగులో న‌టించేసేదాన్నే అని చెప్పుకొచ్చింది క‌రీనా. నా న‌ట‌న‌కి భాష తెలియ‌క‌పోవ‌డం ఓ అడ్డంకిగా మార‌కూడ‌ద‌ని ఆమె చెప్పింది. త్వ‌ర‌లోనే కీ అండ్ కాతో ఆమె ప్రేక్ష‌కుల ముందుకు రాబోతోంది.