ఊర్వశి అంటున్న చరణ్ హీరోయిన్

టాలీవుడ్ ఎంట్రీ నే మహేష్ బాబు రామ్ చరణ్ లాంటి క్రేజీ హీరోస్ పక్కన చేసిన హీరోయిన్ కియారా అద్వానీ ఇప్పుడు సౌత్ తో పాటు నార్త్ లో కూడా హాట్ గర్ల్ గా మారిపోయింది. డిమాండ్ మాములుగా లేదు. కథ కోరితే బోల్డ్ పాత్రలకు కూడా సై అంటున్న కియారా ఈ మధ్య చేసిన లస్ట్ స్టోరీస్ చాలా పేరు తీసుకొచ్చింది. ఫీచర్ ఫిలిం కాకపోయినా నెట్ ఫ్లిక్స్ ద్వారా విడుదలైన ఈ వెబ్ మూవీ చూసాక అవకాశాలు వెల్లువెత్తుతున్నాయి. ప్రస్తుతం బోయపాటి శీను దర్శకత్వంలో రామ్ చరణ్ సరసన నటిస్తున్న కియారా ఇప్పుడో వీడియో సాంగ్ ద్వారా వార్తల్లో నిలుస్తోంది. అది కూడా రీమేక్ సాంగ్ కావడం విశేషం. సుమారు పాతికేళ్ల క్రితం ప్రభుదేవా హీరోగా పరిచయమైన ప్రేమికుడు సినిమాలో ఊర్వశి ఊర్వశి పాటను ఇప్పుడు రీ షూట్ చేస్తున్నారు. కియారాతో పాటు ఇందులో షాహిద్ కపూర్ కూడా ఉంటాడు. కానీ ఇది సినిమా కోసం కాదు. కేవలం ఆన్ లైన్ లో వీడియో ఆల్బం రూపంలో మాత్రమే రిలీజ్ చేస్తారు.

అలా అని ఇది అంత ఈజీగా అయిపోవడం లేదు. బేస్ మెంట్ లో వేడిగా పొగలు కక్కుతున్న స్టేజి మీద చెమట్లు కారుస్తూ లైట్ ఎఫెక్ట్స్ తో పాటు స్మోక్ ని భరిస్తూ కియారా షాహిద్ కష్టపడుతూ ఉన్న ఫోటోస్ ఇప్పుడు ఆన్ లైన్ లో వైరల్ గా మారాయి. ప్రభుదేవా కెరీర్ ను మలుపు తిప్పిన సినిమాలో పాట మాత్రమేగా కాక వన్ అఫ్ ది బెస్ట్ కొరియోగ్రాఫ్డ్ సాంగ్ గా పేరు తెచ్చుకున్న ఊర్వశి పాటను ఏ మాత్రం తేడాగా చేసినా సోషల్ మీడియాతో పాటు అభిమానులు ఫుట్ బాల్ ఆడటం ఖాయం. అందుకే కియారాతో పాటు షాహిద్ సైతం దర్శకుడు గిఫ్టీ నేతృత్వంలో బాగా కష్టపడుతున్నారు. ప్రభుదేవాకు చెడ్డ పేరు తేకుండా దాని స్థాయికి ఏ మాత్రం తగ్గకుండా ఊర్వశిని ఎలా రీ క్రియేట్ చేశారో తెలియాలంటే ఆన్ లైన్ విడుదల అయ్యే దాకా వేచి చూడాల్సిందే. ఇది కాకుండా కియారా భారీ మల్టీ స్టారర్ కలంక్ లో ఓ స్పెషల్ సాంగ్ చేస్తోంది. సౌత్ లోనే బాగా సెటిల్ అవ్వాలని చూస్తున్న కియారా రామ్ చరణ్ మూవీ కూడా బ్లాక్ బస్టర్ అయితే రేంజ్ ఎక్కడి దాకా వెళ్తుందో చెప్పాలా.