స‌ఖుని క‌ళ్ల‌లోకి క‌ళ్లు పెట్టి త‌న్మ‌యంలో కియ‌రా

కియారా అద్వాణీ-సిద్దార్థ్ మ‌ల్హోత్రా జంట‌ ప్రేమాయ‌ణం గురించి చెప్పాల్సిన ప‌నిలేదు. ప్ర‌స్తుతం ఈ జంట‌ పీక‌ల్లోతు ప్రేమ‌లో మునిగితేలుతున్నారనేది బాలీవుడ్ మీడియా గుస‌గుస‌. ప‌లు సంద‌ర్భాల్లో ఈ జోడీ అత్యంత స‌న్నిహితంగా మెలిగిన ఫోటోలు రివీల‌వ్వ‌డంతో ల‌వ్ ని అధికారికం చేశార‌ని క‌థ‌నాలొచ్చాయి. కానీ ఇది నిజం కాద‌ని సిద్ధార్థ్ త‌న‌కు కేవ‌లం స్నేహితుడు మాత్ర‌మేన‌ని కియ‌రా ఎస్కేప్ అవుతోంది. యువ‌హీరో సిద్ధార్థ్ మీడియాకు దూరంగా ఉంటూ మ్యానేజ్ చేసేస్తున్నాడు. ఏం చేసినా ర‌హ‌స్యంగానే... ఆ విష‌యం ప‌క్క‌న‌బెడితే..

రియ‌ల్ ల‌వ్ క‌పుల్ జోడీగా న‌టించిన‌ `షేర్షా` రిలీజ్ కి రెడీ అవుతున్న సంగ‌తి తెలిసిందే. ప్ర‌చారంలో భాగంగా ప్రేమికులు టీవీ చానెళ్ల‌ లైవ్ ల‌తో బిజీగా క‌నిపిస్తున్నారు. ప్ర‌చారం కోసం సిద్ధార్థ్- కియారా జంట‌గా హాజ‌ర‌వుతున్నారు. ఏ ఈవెంట్ ఉన్నా ఇద్ద‌రు ఒకేసారి టైమ్ కి వ‌చ్చి ప‌ని పూర్తి చేసి వెళ్లిపోతున్నారు.

తాజాగా ఇద్ద‌రు మ‌రోసారి కెమెరాకి చిక్కారు. అస‌లు రాజీ అన్నదే లేకుండా షేర్షాని భారీ ఎత్తున ప్ర‌చారం చేస్తున్నారు. ఇరువురిపైనా లేటెస్ట్ ఫోటో షూట్ మ‌రోసారి గుస‌గుస‌ల‌కు తావిచ్చింది. చెలికాడి భుజాల‌పై చేతులు వేసిన స‌ఖియ కియారా అత‌గాడి క‌ళ్ల‌లోకి త‌థేకంగా చూస్తూ త‌న్మ‌యం చెందుతోంది. సిద్ధార్థ్ కాస్త సిగ్గ‌రిగా క‌నిపిస్తున్నాడు. ఓవ‌రాల్ గా ప్రేమ జంట త‌న్మ‌య‌త్వం మ‌రోసారి అంద‌రిలో హాట్ టాపిక్ అయ్యింది. ఏదో ప్ర‌మోష‌న్ కోసం ఇలా చేస్తున్నారు అనుకుంటే పొర‌పాటే! అంటూ గుస‌గుస మొద‌లైంది.

ఈ ఫోటోల్లో కియారా క్లీవేజ్ షో మ‌రో హైలైట్. ఎద అందాల్ని ఎలివేట్ చేస్తూ ధ‌రించిన న‌లుపు వ‌ర్ణం జాకెట్ ఆక‌ర్ష‌ణ‌ను పెంచింది. బాట‌మ్ లో తెలుపు..న‌ల్ల చార‌ల లెహంగా ఆక‌ర్ష‌ణీయంగా క‌నిపిస్తోంది. కొన్ని సైడ్ క్లోజప్ ఫోటులు కియారా అందాన్ని అద్భుతంగా ఎలివేట్ చేసాయి. ప్ర‌స్తుతం ఈ ఫోటోలు నెట్టింట వైర‌ల్ గా మారాయి. సిద్ధార్థ్-కియారా క‌లిసి దిగిన ఫోటాల‌పై  ఆస‌క్తిక‌ర కామెంట్లు ప‌డుతున్నాయి.  `షేర్షా` చిత్రానికి `పంజా` ద‌ర్శ‌కుడు విష్ణువ‌ర్ధ‌న్ ద‌ర్శ‌క‌త్వం వ‌హించారు.