కియ‌రా రెడ్ హాట్ కిర్రాక్ లుక్‌

ముంబై బ్యూటీ కియ‌రా అద్వాణీ స్పీడ్ గురించి ప్ర‌త్యేకించి చెప్పాల్సిన ప‌నే లేదు. ఈ భామ గ‌త కొంత‌కాలంగా ర్యాంప్ షోలు - ప‌బ్లిక్ వేడుక‌ల్లో చెల‌రేగిపోతున్న తీరు చూస్తున్న‌దే. ఓవైపు బాలీవుడ్ ఫేజ్ 3లో వేడెక్కిస్తూనే - మ‌రోవైపు టాలీవుడ్ లోనూ ఈ అమ్మ‌డు ప్ర‌కంప‌నాలు సృష్టిస్తోంది. ముఖ్యంగా వేడెక్కించే హాట్ అప్పియ‌రెన్స్‌ తో కియ‌రా షేకాడించేయ‌డంపై హాట్ హాట్‌ గా చ‌ర్చ సాగుతోంది.

టాలీవుడ్ లో న‌టించిన తొలి సినిమాతోనే కియ‌రా బ్లాక్‌ బ‌స్ట‌ర్ విజ‌యం అందుకుంది. మ‌హేష్ స‌ర‌స‌న `భ‌ర‌త్ అనే నేను` బంప‌ర్ హిట్ కొట్ట‌డంతో మ‌న ఫిలిం స‌ర్కిల్స్ లో ల‌క్కీ ఛామ్ గా వెలిగిపోతోంది. ఆ వెంట‌నే మ‌రో స్టార్ హీరో రామ్ చ‌ర‌ణ్ స‌ర‌స‌న ఈ ముద్దుగుమ్మ అవ‌కాశం అందుకోవ‌డంతో ప్ర‌స్తుతం యూత్ లో - మెగా ఫ్యాన్స్ లో కియ‌రాకి వీరలెవ‌ల్లో ఫాలోయింగ్ ఏర్ప‌డింది. చ‌ర‌ణ్‌- కియ‌రా జంట‌గా న‌టించిన `విన‌య విధేయ రామా` జ‌న‌వ‌రి 11న రిలీజ‌వుతున్న సంగ‌తి తెలిసిందే.

ఈలోగానే కియ‌రా అంద‌చందాల ఎలివేష‌న్ ఏ రేంజులో ఉందో మ‌చ్చుకు లీక్ చేస్తున్నాడు బోయ‌పాటి. మొన్న‌టికి మొన్న చెర్రీతో కియ‌రా రొమాన్స్ కి సంబంధించిన ఫోటోని రివీల్ చేశారు. ఆ ఫోటోలో కియ‌రా గ్లామ‌ర్ షో యూత్ ని వేడెక్కించింది. ఇప్పుడు అంత‌కుమించి మ‌రో రెడ్ హాట్ పోటో లీకైంది. ఈ ఫోటోలో కియ‌రా స్ట‌న్నింగ్ లుక్ మైమ‌రిపిస్తోంది. త‌స్స‌దియ్యా! అంటూ కుర్ర‌కారు వేడెక్కిపోతున్నారు. అన్న‌ట్టు చెర్రీ- కియ‌రా జంట‌పై తెర‌కెక్కించిన త‌స్స‌దియ్యా! సాంగ్ సినిమాకే హైలైట్ గా ఉంటుందిట‌. ఇందులో చర‌ణ్ తో పోటీప‌డుతూ ఈ ముంబై బొమ్మ డ్యాన్సులు అద్భుతంగా చేస్తుంద‌ని చెబుతున్నారు. దేవీశ్రీ ప్ర‌సాద్ ఈ చిత్రానికి సంగీతం అందిస్తున్న సంగ‌తి తెలిసిందే.