మాయలో పడేయడం అలవాటుగా మారిందే!

బాలీవుడ్ బ్యూటీ కియారా అద్వాని క్రేజ్ ఈమధ్య విపరీతంగా పెరిగిన సంగతి తెలిసిందే.  'అర్జున్ రెడ్డి' హిందీ రీమేక్ 'కబీర్ సింగ్' బ్లాక్ బస్టర్ కావడంతో కియారా ఇప్పుడు పాపులారిటీ రెండింతలు అయింది.  దీనికి తగ్గట్టే రెమ్యూనరేషన్ కూడా పెంచిందట. ఇవన్నీ ఒక ఎత్తైతే సోషల్ మీడియాలో హాటు ఫోటోలతో కియారా తన అభిమానులకు ఇచ్చే రెగ్యులర్ ట్రీట్స్ మామూలుగా ఉండవు.

ఘాటు ఫోటో షూట్లలో పాల్గొనడం.. ఆ ఫోటోలతో అభిమానులతో పాటు సాధారణ నెటిజన్లను మాయలో పడేయడం కియారాకు మంచి కాఫీ తాగి ఆస్వాదించడంతో సమానం.. ఇలాంటి ఫోటోలు చూసినప్పుడే 'భరత్ అనే నేను' సినిమాలో నటించిన హోమ్లీ గర్ల్.. ఈ హాట్ గర్ల్ ఒకరేనా అనే అనుమానం రాకమానదు. పైనున్న ఫోటోలు కియారాలో హాటు అవతారానికి శాంపిల్సే. ఈ హాటు ఘాటు ఫోటో షూట్లతో పాటుగా హీరోలతో ఫ్రెండ్ షిప్ మెయింటెయిన్ చేస్తూ ఉంటుంది.  'భరత్ అనే నేను' తర్వాతా మహేష్ ఫ్యామిలీతోనూ.. 'వినయ విధేయ రామ' తర్వాత చరణ్ కుటుంబంతోనూ సన్నిహిత సంబంధాలు కొనసాగిస్తూనే ఉంది.  ఈమధ్యే కియారా బర్త్ డే పార్టీకి చరణ్ ఒక అతిథిగా హాజరైన సంగతి తెలిసిందే.  టాలీవుడ్ స్టార్లే కాదు.. బాలీవుడ్ స్టార్లతో కూడా ఫ్రెండ్ షిప్ మెయింటెయిన్ చేస్తూ టాప్ హీరోయిన్ గా దూసుకుపోతూ ఉంది.

ఇక కియారా ఫ్యూచర్ ప్రాజెక్టుల విషయానికి వస్తే ప్రస్తుతం నాలుగు క్రేజీ ప్రాజెక్టులలో నటిస్తోంది.  'గుడ్ న్యూస్'.. 'లక్ష్మి బాంబ్'.. 'షేర్ షా'.. 'ఇందూ కీ జవాని' కియారా లిస్టులో ఉన్న సినిమాలు.  ఇప్పటికే పాపులారిటీ పరంగా పీక్స్ లో ఉన్న ఈ భామకు మరో రెండు హిట్లు తగిలితే నంబర్ వన్ స్థానం దిశగా మరో రెండు అడుగులు వేయడం ఖాయం.