మాధవన్ .. అవసరాల.. మైఖేల్ మ్యాడ్సెన్!

టాలీవుడ్ లో లేడీ ఓరియెంటెడ్ సినిమాలు చేసే హీరోయిన్లు చాలామందే ఉన్నారు కానీ వారందరిలో క్రౌడ్ పుల్లర్ ఎవరని అడిగితే మాత్రం అనుష్క పేరు చెప్పాల్సిందే. ఇప్పటికే ఎన్నోసార్లు అలాంటి సినిమాల్లో నటించి  సూపర్ హిట్స్ సాధించిన అనుష్క మరోసారి ఒక వుమన్ సెంట్రిక్ ఫిలిం లో నటించేందుకు సిద్ధం అవుతోంది. అవును.. మనం మాట్లాడుకునేది అనుష్క నెక్స్ట్ ఫిలిం 'సైలెన్స్' గురించే.

ఈ సినిమా గురించి తాజాగా ఒక ఇంట్రెస్టింగ్ అప్డేట్ బయటకు వచ్చింది.  ఈ చిత్రంలో హాలీవుడ్ నటుడు మైఖేల్ మ్యాడ్సన్ ఒక కీలక పాత్ర పోషిస్తున్నారట.  దాదాపు యాభై పైగా హాలీవుడ్ సినిమాలలో నటించిన మైఖేల్ కెరీర్ లో 'కిల్ బిల్'.. 'స్పీషీస్' లాంటి సూపర్ హిట్ సినిమాలున్నాయి.  'సైలెన్స్' కథ నచ్చడంతో అయన ఈ సినిమాలో నటించేందుకు గ్రీన్ సిగ్నల్ ఇచ్చారట.

హేమంత్ మధుకర్ దర్శకత్వంలో తెరకెక్కనున్న ఈ సినిమాను మెజారిటీ భాగం అమెరికాలో చిత్రీకరిస్తారట.  మొదటి షెడ్యూల్ లోనే మైఖేల్ 'సైలెన్స్' టీమ్ తో జాయిన్ అవుతారని సమాచారం.  మాధవన్.. అవసరాల శ్రీనివాస్.. అంజలి.. షాలిని పాండే ఈ సినిమాలో ఇతర కీలక పాత్రల్లో నటిస్తున్నారు.  కోన వెంకట్.. పీపుల్ మీడియా ఫ్యాక్టరీ వారు ఈ చిత్రాన్ని సంయుక్తంగా నిర్మిస్తున్నారు.