కోన ఫేట్ నిజంగానే మారిపోతుందా??

ఇప్పటివరకు కోన వెంకట్ అంటే ఒకెత్తు.. ఇప్పటి నుండి ఒకెత్తు. ఇలాంటి డైలాగులు మనం త్వరలోనే వింటామా? ఎందుకంటే ఇప్పుడు 'సాహసం శ్వాసగా సాగిపో' వచ్చే శుక్రవారం రిలీజ్ అవుతుండటంతో.. ఇప్పుడు కోన వెంకట్ పాత్రపై అనేక ఆసక్తికరమైన డిస్కషన్లు వినిపిస్తున్నాయి. అసలు ఈయన ఈ సినిమాతో ఏం చేయబోతున్నాడు అనేదే అందరికీ టెన్షన్ టెన్షన్.

ఈ మధ్యకాలంలో కోన అసలు సోలోగా హిట్టు కొట్టి చాలారోజులైంది. ఎప్పుడైతే శ్రీను వైట్ల నుండి పార్టనర్షిప్ విడిపోయాడో.. అప్పటినుండి మనోడు కూడా పెద్దగా సక్సెస్ కాలేదు. మధ్యలో గీతాంజలి వంటి సినిమాలు ఉన్నా కూడా.. శంకరాభరణం వంటి సినిమాలు అలాంటి విజయాలను అడ్డంగా తొక్కేస్తున్నాయి. అయితే ఈ 11న సాహసం శ్వాసగా సాగిపో సినిమాతో నాగ చైతన్య విచ్చేస్తున్నాడు. ఈ సినిమాకు కోన మాటలు రాశాడు. మామూలుగా ఉండే పంచ్ డైలాగులూ.. ప్రాస అమరికలు దర్శకుడు గౌతమ్ మీనన్ ఒప్పుకోడు కాబట్టి.. మనోడు ఇప్పుడు చాలా కొత్తగా డైలాగులు రాశాడట. అందుకే ఈ సినిమాతో తన ఫేట్ మారిపోతుందని కోన ఆశిస్తున్నాడు.

అయితే అందరూ అనుకుంటున్నట్లు నిజంగానే కోన తన పెన్ పవర్ మరోసారి చూపించనున్నాడు. కేవలం పదాల్లోని తొలి అక్షరం కలిస్తే ప్రాస రాసేసే కోన.. ఇప్పుడు తన నవయుగ రచనతో ఎంతవరకు ఆక్టుకుంటాడో చూడాలి మరి.



Like Us on Facebook : https://www.facebook.com/Tupakidotcom/