టాలెంటెడ్ యాక్టర్ తో కొరటాల వెబ్ సిరీస్...?

టాలీవుడ్ స్టార్ డైరెక్టర్లలో ఒకరైన కొరటాల శివ ప్రొడ్యూసర్ గా మారనున్నాడని చాలా రోజులుగా వార్తలు వస్తున్న సంగతి తెలిసిందే. ఈ నేపథ్యంలో లేటెస్టుగా కొరటాల శివ ప్రొడక్షన్ హౌస్ స్టార్ట్ చేసి ఓ వెబ్ సిరీస్ నిర్మించనున్నాడనే న్యూస్ ఫిలిం సర్కిల్స్ లో చక్కర్లు కొడుతోంది. ప్రస్తుతం టాలీవుడ్ స్టార్ హీరోలతో కలిసి వర్క్ చేస్తున్న కొరటాల.. ఆ వెబ్ సిరీస్ కోసం స్టోరీ కూడా రెడీ చేసారని తెలుస్తోంది. దీనికి కొరటాల వద్ద డైరెక్షన్ డిపార్ట్మెంట్ లో వర్క్ చేసే వ్యక్తికి దర్శకత్వ బాధ్యతలు అప్పగిస్తున్నాడట. ఇప్పటికే దీనికి సంబంధించి అమెజాన్ ప్రైమ్ వీడియో డిజిటల్ ఫ్లాట్ ఫార్మ్ తో డీల్ కూడా కుదిరినట్లు చెప్పుకుంటున్నారు.

కొరటాల నిర్మించే వెబ్ సిరీస్ లో టాలెంటెడ్ యాక్టర్ నవీన్ పోలిశెట్టి లీడ్ రోల్ పోషిస్తున్నాడని తెలుస్తోంది. 'ఏజెంట్ సాయి శ్రీ‌నివాస ఆత్రేయ‌' సినిమాతో సూపర్ హిట్ అందుకున్న నవీన్.. కొరటాల శివ రాసిన వెబ్ కంటెంట్ నచ్చడంతో వెంటనే ఈ సిరీస్ లో నటించడానికి గ్రీన్ సిగ్నల్ ఇచ్చాడట. గతేడాది 'చిచోరే' సినిమాతో బాలీవుడ్ ప్రేక్షకులను కూడా ఎంటర్టైన్ చేసిన నవీన్ పోలిశెట్టి.. తెలుగులో 'మహానటి' మేకర్స్ నిర్మిస్తున్న 'జాతిరత్నాలు' అనే సినిమా షూటింగ్ కంప్లీట్ చేశాడు. ఈ క్రమంలో ఇప్పుడు వెబ్ సిరీస్ లో నటించడానికి ఒప్పుకున్నట్లు తెలుస్తోంది. ఇక రచయితగా, దర్శకుడిగా మంచి గుర్తింపు తెచ్చుకున్న కొరటాల శివ.. ఇప్పుడు నిర్మాతగా కూడా సక్సెస్ అవుతాడేమో చూడాలి. కొరటాల శివ ప్రస్తుతం మెగాస్టార్ చిరంజీవితో 'ఆచార్య' సినిమా తెరకెక్కిస్తున్నాడు. దీని తర్వాత అల్లు అర్జున్ తో ఓ సినిమా చేయనున్నాడు.