అఖిల్ కోసం కొరటాల వ‌స్తున్నాడే

టాలీవుడ్ మ‌న్మథుడు పెద్ద కొడుకు అక్కినేని నాగ‌చైత‌న్య విజ‌యాలు సాధిస్తున్న‌ప్ప‌టీ స్టార్ స్టేట‌స్ మాత్రం సాధించ‌లేక‌పోయాడు.దాంతో చిన్న కొడుకు అఖిల్ తోనైనా స్టార్ కొరిక తీర్చుకోవాల‌ని తెగ ప్ర‌య‌త్నాలు చేస్తున్నాడు నాగార్జున‌. అయితే ఆ అతి కేరింగ్ వ‌ల్ల‌నేనేమో అఖిల్ స్టార్ ప్ర‌య‌త్నాలేవీ ఫ‌లిత‌మివ్వ‌డం లేదు. ఇప్పుడు అఖిల్ ని స్టార్ ని చేసే బాధ్య‌త స‌క్సెస్ ఫుల్ చిత్రాల ద‌ర్శ‌కుడు కొర‌టాల శివ‌కి అప్ప‌గించాడ‌ట నాగ్‌.

ర‌చ‌యిత నుంచి ద‌ర్శ‌కుడిగా మారిన త‌ర్వాత‌ కొర‌టాల శివ కెరిర్లో ఇప్ప‌టిదాకా ఒక్క ఫ్లాప్ కూడా లేదు.  ప్ర‌భాస్ కి ‘మిర్చి’ వంటి మంచి స్టైలిష్ హిట్ ఇచ్చిన కొర‌టాల‌... మ‌హేష్ కి ‘శ్రీ‌మంతుడు’- ‘భ‌ర‌త్ అనే నేను’ వంటి రెండు బడా బ్లాక్ బ‌స్ట‌ర్లు ఇచ్చాడు. తార‌క్ తో చేసిన ‘జ‌న‌తా గ్యారేజ్‌’ అత‌ని కెరీయ‌ర్‌లోనే హ్యాయెస్ట్ వ‌సూళ్లు సాధించిన చిత్రంగా నిలిచింది. దీంతో కొరటాల వంటి ద‌ర్శ‌కుడి చేతిలో పెడితే అఖిల్ స్టార్ తిర‌గ‌డం ప‌క్కా అని ఫిక్స్ అయ్యాడ‌ట నాగార్జున‌. ప్ర‌స్తుతం ‘తొలిప్రేమ‌’ వంటి క్యూట్ ల‌వ్ స్టోరీ తీసిన వెంకీ అట్లూరితో ఓ సినిమా చేస్తున్నాడు అఖిల్‌. కొర‌టాల ఒప్పుకుంటే మాత్రం వెంకీ సినిమా పూర్తి అవ్వ‌క‌పోయినా  ఈ ఏడాది చివ‌రిక‌ల్లా శివ‌తో సినిమా చేసేందుకు రెఢీగా ఉన్నాడు.

కొరటాల శివ‌తో సినిమా చేయాల‌ని చాలా మంది టాలీవుడ్ స్టార్లు ఎదురుచూస్తున్నారు. ‘నా పేరు సూర్య‌’ సినిమా త‌ర్వాత బ‌న్నీ-కొర‌టాల శివ సినిమా ఉంటుంద‌ని అన్నారు. అయితే ఇంత‌లో ఏమైందో విక్ర‌మ్ కుమార్ తో సినిమా చేసేందుకు బ‌న్నీ ఆస‌క్తి చూపిస్తున్నాడ‌ని వార్త‌లు వ‌చ్చాయి.దాంతో వెంట‌నే అల‌ర్ట్ అయిన నాగ్‌... ముద్దుల కొడుకు కోసం కొర‌టాల‌ని ప‌ట్టి తెచ్చేశాడ‌ని టాక్.