హాట్ హీరోయిన్ మళ్లీ సెన్సేషనే..

సంపత్ నంది నిర్మాణంలో ఆది హీరోగా నటించిన ‘గాలిపటం’ కమర్షియల్ గా పెద్ద సక్సెస్ కాలేదు కానీ.. ఆ సినిమా  కాన్సెప్ట్ అప్పట్లో పెద్ద సెన్సేషనే క్రియేట్ చేసింది. తమకు నచ్చని పెళ్లి చేసుకున్న భార్యాభర్తలు విడిపోయి మళ్లీ తమ ప్రేమికుల చెంతకు చేరడం ఈ సినిమా కాన్సెప్ట్. బాలీవుడ్లో అయితే  ఇలాంటి బోల్డ్ కాన్సెప్ట్ లు చెల్లుబాటవుతాయి కానీ.. మన తెలుగు ప్రేక్షకులు ఆ కాన్సెప్ట్ ను జీర్ణించుకోలేకపోయారు. ఐతే సినిమాలోని హాట్ హాట్ సన్నివేశాలు, లిప్ కిస్సులు యూత్ ఆడియన్స్ ను బాగానే ఆకట్టుకున్నాయి. అందులోనూ ఇందులో ఓ హీరోయిన్ గా నటించిన క్రిస్టినా అకీవా ఆదితో కలిసి రొమాంటిక్ సన్నివేశాల్లో రెచ్చిపోయింది. సినిమా కాన్సెప్ట్ ఎంత బోల్డో.. ఆమెకు అంతే బోల్డ్ గా కనిపించి కుర్రాళ్ల మతి పోగొట్టింది.

‘గాలిపటం’ ఫ్లాప్ కావడంతో క్రిస్టినాకు మళ్లీ టాలీవుడ్లో అవకాశాలు దక్కలేదు. ఐతే క్రిస్టినా బోల్డ్ నెస్ బాగా నచ్చేసిన కన్నడ బోల్డ్ డైరెక్టర్ ఉపేంద్ర తన సినిమాలో ఛాన్స్ ఇచ్చాడు. దాదాపు రెండు దశాబ్దాల కిందట ఉపేంద్ర స్వీయ దర్శకత్వంలో తీసిన ఉపేంద్ర అప్పట్లో పెద్ద సంచలనం. మళ్లీ ఇన్నేళ్ల తర్వాత దానికి సీక్వెల్ గా ఉప్పి-2 తీశాడు ఉపేంద్ర. తెలుగులో ఉపేంద్ర-2 పేరుతో విడుదల కాబోతోంది. ఇందులో క్రిస్టినా ఓ హీరోయిన్. ఉపేంద్ర సినిమాల్లో హీరోయిన్లను ఎలా చూపిస్తాడో.. వాళ్లతో ఎలా ఆటాడుకుంటాడో తెలిసిందే. చాలామంది హీరోయిన్లు అతడి పక్కన నటించడానికి భయపడతారు. ఐతే క్రిస్టినాకు అలాంటి భయమేమీ లేకపోయింది. తెరమీద ఉపేంద్ర ఎంత శాడిజం చూపించినా భరించే క్యారెక్టర్ చేయడానికి రెడీ అయింది. ఈ నెల 14న ఈ సినిమా కన్నడ, తెలుగు భాషల్లో ఒకేసారి రిలీజవబోతోంది.