దగ్గుబాటి వారసుడి మూవీలో హీరోయిన్ గా కృతి సనన్ చెల్లెలు..?

స్టార్ ప్రొడ్యూసర్ దగ్గుబాటి సురేష్ బాబు తనయుడు, రానా తమ్ముడు దగ్గుబాటి అభిరామ్ హీరోగా పరిచయం అవుతున్న సంగతి తెలిసిందే. ఇండస్ట్రీకి ఎంతో మంది యంగ్ టాలెంట్ ని ఇంట్రడ్యూస్ చేసిన క్రియేటివ్ డైరెక్టర్ తేజ చేతుల మీదుగా అభిరామ్ ని లాంచ్ చేస్తున్నారు. దీని గురించి ఇప్పటి వరకు అధికారిక ప్రకటన రాలేదు. అయినప్పటికీ పలు ఇంటర్వ్యూలలో అభిరామ్ ఈ విషయాన్ని వెల్లడించారు. తేజ డైరెక్షన్ లో ఓ లవ్ స్టోరీ చేస్తున్నానని.. అందులో తన రియల్ లైఫ్ ఇన్సిడెంట్స్ కూడా ఉంటాయని దగ్గుబాటి వారసుడు స్వయంగా తెలిపారు. సురేష్ ప్రొడక్షన్స్ బ్యానర్ లోనే ఈ సినిమా రూపొందనుంది.

అయితే ఇందులో అభిరామ్ సరసన హీరోయిన్ గా ఎవరు నటిస్తారనేది క్వ‌శ్చన్ మార్క్ గా ఉంది. 'ఉప్పెన' సినిమాతో ఓవర్ నైట్ స్టార్ డమ్ తెచ్చుకున్న కృతి శెట్టిని హీరోయిన్ గా తీసుకోవడానికి ప్రయత్నాలు చేస్తున్నారని ఆ మధ్య వార్తలు వచ్చాయి. అంతేకాదు సెన్సేషనల్ బ్యూటీ డేట్స్ ఖాళీ లేకపోవడంతో సున్నితంగా తిరస్కరించిందని కూడా అన్నారు. ఈ క్రమంలో తాజాగా అభిరామ్ కు జోడిగా ఉత్తరాది భామ నుపూర్ సనన్ ను పరిశీలిస్తున్నారని టాక్ వినిపిస్తోంది.

'1 నేనొక్కడినే' సినిమాతో హీరోయిన్ గా పరిచయమైన హాట్ బ్యూటీ కృతి స‌న‌న్ చెల్లెలే నుపూర్ సనన్. ఒక ప్రైవేట్ ఆల్బమ్ ద్వారా ఫేమస్ అయిన సోదరిని హీరోయిన్ గా ఇండస్ట్రీకి తీసుకురావాలని కృతి ఎప్పటి నుంచో ట్రై చేస్తోంది. నుపూర్ ఇటీవల అక్షయ్ కుమార్ తో కలసి 'ఫిల్హాన్ 2' మ్యూజిక్ వీడియోతో పలకరించింది. అయితే ఇప్పుడు అభిరామ్ సినిమాలో హీరోయిన్ గా నుపూర్ ని తీసుకోవాల్సిందిగా బీ టౌన్ నుంచి రానా కి రిక‌మెండేష‌న్స్ వస్తున్న‌ట్లుగా టాక్ నడుస్తోంది. మరి దగ్గుబాటి హీరో డెబ్యూ సినిమాలో ఏ బ్యూటీ కనువిందు చేయనుందో తెలియాలంటే ఇంకొన్నాళ్లు ఆగాల్సిందే.