మహేష్‌ చూపించనున్న మొదటి సినిమా అదే!

సూపర్‌ స్టార్‌ మహేష్‌ బాబు ఇప్పటికే సినిమాలు, యాడ్స్‌ అంటూ రెండు చేతుల సంపాదిస్తున్నాడు. టాలీవుడ్‌ లో అత్యధికంగా ఆధాకం కలిగి ఉన్న హీరోగా రికార్డు సృష్టించిన మహేష్‌ బాబు తాజాగా మరో చేతితో సంపాదించేందుకు సిద్దం అవుతున్నాడు. అదే మల్టీప్లెక్స్‌ బిజినెస్‌. ప్రముఖ ఏషియన్‌ సినిమాస్‌ సంస్థతో కలిసి హైదరాబాద్‌ లోని గచ్చిబౌలీ ఏరియాలో భారీ ఎత్తున ఒక మల్టీప్లెక్స్‌ నిర్మాణం చేసిన మహేష్‌ బాబు ఆ మల్టీప్లెక్స్‌ థియేటర్‌ ను దీపావళి సందర్బంగా నవంబర్‌ 8న ప్రారంభించేందుకు ఏర్పాట్లు చేయిస్తున్నాడు.

ప్రస్తుతం మహర్షి చిత్రం షూటింగ్‌ లో భాగంగా అమెరికాలో ఉన్న మహేష్‌ బాబు మరికొన్ని రోజుల్లో ఇండియాకు తిరిగి రాబోతున్నాడు. కుటుంబంతో కలిసి దీపావళి హైదరాబాద్‌ లో జరుపుకోబోతున్న మహేష్‌ బాబు - కుటుంబంతో కలిసి తన మల్టీప్లెక్స్‌ ఏఎమ్‌ బిని ప్రారంభించబోతున్నాడు. ఈ ప్రతిష్టాత్మకమ మల్టీప్లెక్స్‌ థియేటర్‌ లో మొదటగా ప్రదర్శింపబడే సినిమా ఏదా అంటూ అంతా ఆసక్తిగా ఎదురు చూస్తున్నారు. తాజాగా ఆ విషయమై క్లారిటీ వచ్చేసింది.

బాలీవుడ్‌ సూపర్‌ స్టార్‌ అమీర్‌ ఖాన్‌ - బిగ్‌ బి అమితాబచ్చన్‌ లు కలిసి నటించిన ‘థగ్స్‌ ఆఫ్‌ హిందూస్తాన్‌’ చిత్రాన్ని ఏఎమ్‌బి మల్టీప్లెక్స్‌ లో మొదటగా ప్రదర్శింపబోతున్నారు. మల్టీప్లెక్స్‌ ప్రారంభించిన అనంతరం మహేష్‌ బాబు తన కుటుంబ సభ్యులు మరియు సన్నిహితులతో కలిసి థగ్స్‌ ఆఫ్‌ హిందూస్తాన్‌ సినిమాను అదే థియేటర్‌ లో చూడబోతున్నట్లుగా సినీ వర్గాల ద్వారా సమాచారం అందుతుంది. ఏఎమ్‌బి మల్టీప్లెక్స్‌ లో ఎన్ని స్క్రీన్స్‌ ఉండబోతున్నాయి - ఎలా మెయింటెన్స్‌ ఉండబోతుందా అంటూ అంతా ఆసక్తిగా ఎదురు చూస్తున్నారు. ముఖ్యంగా సెలబ్రెటీలు - సాఫ్ట్‌ వేర్‌ పీపుల్‌ ఈ మల్టీప్లెక్స్‌ కు వెళ్లేందుకు ఆసక్తిగా ఎదురు చూస్తున్నారు.