వీడియో : నాన్న నువ్వు తప్పించుకోలేవంటూ మహేష్‌ తో సితార ఫన్‌

మహేష్ బాబు.. సితారల వీడియోలు మరియు ఫొటోలు ఈమద్య కాలంలో చాలా వైరల్‌ అవుతున్నాయి. వీరిద్దరి ఫొటోలను మరియు వీడియోలను ఎక్కువగా నమ్రత షేర్‌ చేస్తూ ఉంటారు. ఇప్పుడు నమ్రతతో పాటు సితార కూడా చేరింది. నాన్నతో తాను చేసే అల్లరిని ఎప్పటికప్పుడు స్నేహితులు మరియు అభిమానులతో షేర్‌ చేసేందుకు సితార కొన్నాళ్ల క్రితమే ఇన్‌ స్టాలో జాయిన్‌ అయ్యింది. అప్పటి నుండి రెగ్యులర్‌గా సితార యాక్టివ్‌ గా సోషల్‌ మీడియాలో పోస్ట్ లు పెడుతూనే ఉంది. తాజాగా సితూ పాప షేర్‌ చేసిన వీడియో అందరి దృష్టిని ఆకర్షిస్తోంది.

సితార ఫోన్‌ లో నాన్న మహేష్‌ ను చిత్రీకరించేందుకు ప్రయత్నించగా ఆయన మాత్రం వద్దు అన్నట్లుగా దాచుకునే ప్రయత్నం చేశాడు. ఆ ఫన్నీ వీడియోను సితార తన ఇన్‌ స్టా అకౌంట్‌ లో నాన్న నువ్వు నా కెమెరా నుండి తప్పించుకోలేక పోయావు అంటూ ఫన్నీ ఈమోజీలతో షేర్‌ చేసింది. వీడియో ఉన్నది కొన్ని సెకన్లే అయినా కూడా తండ్రి కూతురు మద్య ఉన్న బాండింగ్‌ ను చూపిస్తుంది అనడంలో సందేహం లేదు. మొత్తానిక మహేష్‌ బాబు.. సితార.. నమ్రత ఎప్పుడు కూడా సోషల్‌ మీడియాలో ట్రెండ్‌ అవుతూనే ఉన్నారు.