మహేష్ బాబు సినిమాకు సంబంధించి షూటింగ్ స్పాట్ ఫొటోలు బయటికి రావవడం చాలా అరుదు. ఈ విషయంలో చాలా జాగ్రత్తగా ఉంటాడు మహేష్. ఐతే కొన్నిసార్లు యూనిట్ సభ్యులతో కలిసి ఇష్టపూర్వకంగానే ఫొటోలు దిగుతుంటాడు. అలా దిగిన ఓ ఫొటో ఇప్పుడు సోషల్ మీడియాలో వైరల్ అవుతోంది. అదేదో క్రూజ్ లోపల తీసిన ఫొటోలా ఉంది. మహేష్ ఓ పక్కగా కూర్చుని ఉంటే అతడి ముందే సీనియర్ నటి రేవతి కనిపిస్తోంది. మధ్యలో అందాల భామలు కాజల్ - ప్రణీత ఉన్నారు. మరోవైపు మరో సీనియర్ నటి తులసి.. పక్కన షాయాజి షిండే దర్శనమిస్తున్నారు. మొత్తంగా ఈ ఫొటో ఓ రేర్ కాంబినేషన్ తో జనాల్ని ఇట్టే ఆకట్టుకుంటోంది. వీళ్లందరినీ ఒక్కటి చేసిన సినిమా ‘బ్రహ్మోత్సవం’ అని ప్రత్యేకంగా చెప్పాల్సిన పని లేదు. ప్రస్తుతం ఊటీలో షూటింగ్ జరుపుకుంటోందీ సినిమా. ఈ ఫొటో కూడా అక్కడిదే కావచ్చు.