'ఒక్కడు' గుర్తొస్తుంది మహేష్

ఇటివలే మహేష్ 'సరిలేరు నీకెవ్వరు' సినిమా నుండి టీజర్ రిలీజ్ చేసిన సంగతి తెలిసిందే. ప్రస్తుతం టీజర్ మిలియన్స్ వ్యూస్ తో అందరినీ ఎట్రాక్ట్ చేస్తూ సినిమాపై అంచనాలు పెంచేస్తుంది. ఇక అంత బాగానే ఉంది. కానీ ఈ టీజర్ చూసాక చాలా మంది ప్రేక్షకులకు కలిగిన సందేహం ఒకటుంది. అదే ఒక్కడు సినిమా. అవును సరిలేరు టీజర్ చూస్తూ అందరూ మహేష్ 'ఒక్కడు' ను గుర్తుచేసుకున్నారు.

టీజర్ లో చూపించిన మహేష్ యాక్షన్ ఎపిసోడ్  , కొండారెడ్డి బురుజు , ప్రకాష్ రాజ్ క్యారెక్టర్ , ఫ్యాక్షన్ బ్యాక్ డ్రాప్ ఇలా అన్ని ఎలెమెంట్స్ 'ఒక్కడు'తో పోలి ఉన్నాయి. నిజానికి మహేష్ కెరీర్ లో ఒక్కడు ఓ క్లాసిక్. పోకిరి కంటే ముందే మహేష్ స్టామినా ఏంటో బాక్సాఫీస్ దగ్గర తెలియజేసిన సినిమా. ఆ సినిమాను గుణ శేఖర్ బాగా హ్యాండిల్ చేసి సంక్రాంతికి ఓ అదిరిపోయే సినిమా అందించాడు. ముఖ్యంగా ఇంటర్వెల్ బ్లాక్ ఆడియన్స్ ను మెస్మరైజ్ చేసేసింది.

ఇక సరిలేరు నీకెవ్వరులో మహేష్ ఆర్మీ మెన్ గా నటిస్తున్నాడు. ఆ ఒక్క ఎలిమెంట్ తప్ప టీజర్ అంతా ఒక్కడు నే గుర్తుచేసింది. మరి ట్రైలర్ లో అయినా కొత్తదనం ఉంటుందేమో చూడాలి.