'సర్కారు వారి పాట' ముందే పాడనున్నారా..??

టాలీవుడ్ సూపర్ స్టార్ మహేష్ బాబు ప్రస్తుతం 'సర్కారు వారి పాట' సినిమాను పూర్తిచేసే పనిలో ఉన్నాడు. గతేడాది జూన్ లో ప్రకటించిన ఈ సినిమా కరోనా కారణంగా ఏడాది చివరిలో ఓ షెడ్యూల్ జరుపుకుంది. ఆ కారణంగానే సినిమాను కూడా మరో ఏడాదికి రిలీజ్ డేట్ పొడిగించారు. అలా గతేడాది డిసెంబర్ లో షూటింగ్ మొదలయ్యింది. మేకర్స్ సినిమాను వచ్చే ఏడాది సంక్రాంతికి రిలీజ్ చేయనున్నట్లు ప్రకటించారు. కానీ ప్రస్తుతం ఇండస్ట్రీలో చక్కర్లు కొడుతున్న కథనాల ప్రకారం.. సర్కారు వారి పాట ఈ ఏడాదిలోనే విడుదలయ్యే అవకాశం కనిపిస్తుంది. నిజానికి మహేష్ సర్కారు మూవీ ఓకే చేసిన తర్వాత మరే కొత్త సినిమాకు సంతకం చేయలేదు. అలా కథలు వింటూ ఉన్నాడు.

అయితే ఇప్పుడు సర్కారు విషయంలో వేగం పెంచనున్నట్లు తెలుస్తుంది. ఇప్పటికే సినిమా షూటింగ్ సెకండ్ షెడ్యూల్ జరుగుతుంది. అలాగే ఇటీవలే మహేష్.. డైరెక్టర్ త్రివిక్రమ్ సినిమాకు సంతకం చేసాడు. ఇప్పుడు సర్కారు విషయంలో నెమ్మది అనేది పక్కన పెట్టినట్లు టాక్. త్వరగా సినిమాను ఫినిష్ చేసి ఈ ఏడాది దసరా తర్వాత రిలీజ్ చేయాలనే ఆలోచనలో ఉన్నట్లు ఇండస్ట్రీలో చర్చలు నడుస్తున్నాయి. సర్కారు సినిమాను దసరా వరకు రెడీ చేస్తే ఆ తర్వాత త్రివిక్రమ్ సినిమాను వచ్చే ఏడాది సమ్మర్ వరకు రిలీజ్ చేయొచ్చనే టాక్ నడుస్తుంది. మొన్నటి వరకు త్రివిక్రమ్ కూడా ఎన్టీఆర్ తో సినిమా చేస్తాడని అనుకున్నారు. కానీ ఏమైందోగాని సడన్ గా ఆ ప్రాజెక్ట్ నుండి తప్పుకొని మహేష్ తో స్క్రిప్ట్ ఓకే చేయించుకున్నాడు. ప్రస్తుతం త్రివిక్రమ్ మూవీ ప్రీ-ప్రొడక్షన్ దశలో ఉంది. ఈ రెండు సినిమాలు పూర్తిచేసి మహేష్ రాజమౌళితో సినిమా చేయనున్నాడు.