షారూక్ ఖాన్ లేటెస్ట్ మూవీ రాయీస్ థియేటర్లలోకి వచ్చేసింది. గుజరాత్ లో లిక్కర్ డాన్ గా హీరో పాత్ర ఎదిగిన తీరు.. అ తర్వాత అతడిని ఎలా నియంత్రించారనే కాన్సెప్ట్ ని చాలా స్టైల్ గా చిత్రీకరించారు. రివ్యూలు.. రేటింగులు కూడా బాగానే ఉన్నాయి. అయితే.. ఈ మూవీలో పాకిస్తానీ భామ మహిరా ఖాన్ హీరోయిన్ గా నటించిన సంగతి తెలిసిందే.
ఆమె పాత్రకు నటనకు కూడా ఇండియన్ ఆడియన్స్ నుంచి మంచి రెస్పాన్స్ వస్తోంది. మహిరా ఖాన్ మాత్రం ఈ సక్సెస్ ను ఎంజాయ్ చేస్తున్నట్లు కానీ.. ఇండియన్ ఆడియన్స్ తనను మెచ్చుకుంటున్న తీరును కానీ పట్టించుకుంటున్నట్లుగా కనిపించడం లేదు. ఈ పాక్ భామ చివరగా రాయీస్ గురించి జనవరి 22న ట్వీట్ చేసిందంతే. ఆ తర్వాత ఎక్కడా రాయీస్ గురించి స్పందించడం లేదు. సాధారణంగా ఫ్యాన్స్.. సెలబ్రిటీల ట్వీట్ లను రీట్వీట్ చేసి తమ ఆనందం అయినా తెలపాల్సి ఉంటుంది. కానీ అది కూడా జరగడం లేదు. ఇందుకు కారణం.. రాయీస్ ప్రమోషన్స్ లో ఈమెను పక్కడమే అంటున్నారు.
సినిమా కేంపెయిన్ లో కూడా ఐటెం సాంగ్ చేసిన సన్నీని ఉపయోగించుకున్నారు కానీ.. పాకిస్తానీ భామను మాత్రం పిలవలేదు. మరోవైపు రాయీస్ ప్రమోషన్స్ కు తనను పిలవకపోవడం బాధ కలిగించిందని ఓపెన్ గానే చెప్పింది మహిరా ఖాన్. ప్రస్తుతం ఇండియాలో పాకిస్తానీ నటులపై నిషేధం విధించడంతో.. ఆమెను పిలిచే ధైర్యం చేయలేదు యూనిట్. అందుకే షారూక్ లాంటి స్టార్ హీరోతో కలిసి సక్సెస్ సాధించినా.. ఎంజాయ్ చేయలేకపోతోంది మహిరా ఖాన్.
Like Us on Facebook : https://www.facebook.com/Tupakidotcom/