మోహన్ లాల్ బదులు మనోళ్ళు వేసుంటే

ఇప్పుడు ఫిలిం నగర్ క్రిటిక్స్ అందరూ ''మనమంతా'' వావ్ అంటున్నారే కాని.. ఎవ్వరూ కూడా సినిమాకు ఎందు కలక్షన్లు రావడంలేదో అంచనాలు వేయలేకపోతున్నారు. సినిమా బాగుండీ కంటంట్ లో ఫీల్ అదిరిపోయినా కూడా ఎందుకో సినిమాకు అనుకున్నంత క్రేజీగా ఓపెనింగులూ లేవు.. అలాగే సోమవారం నుండి ఫుల్సూ లేవు. దానికి కారణం ఒకటే.

ఆడియోన్స్ లోకి ఏ సినిమా అయినా కూడా రెండు విధాలుగా రీచ్ అవుతుంది. ఒకటి హీరో హీరోయిన్ల ఫేస్ వాల్యూ.. రెండోది మీడియాలో ఈ సినిమా గురించి జరిగే హంగామా. అదేంటో కాని.. బాగా అనుభవమున్న వారాహి సినిమా వారు కూడా ఈ విషయాన్ని ఎందుకో పెద్దగా పట్టించుకోవట్లేదు. అటు మోహన్ లాల్ కాని.. ఇటు గౌతమి కాని సినిమాను ఎగ్రెసివ్ గా ప్రమోట్ చేసిందేలేదు. సినిమాలో వీళ్ళు యాక్టింగ్ పరంగా ఎత చింపేసినా కూడా.. ప్రమోషన్లకు కూడా అవసరమేగా. అదే విధంగా దర్శకుడు చంద్రశేఖర్ ఏలేటితోపాటు ఇతరులు కూడా సినిమాను ఏదో సింపుల్ గా ప్రమోట్ చేస్తున్నారే కాని.. ఎగ్రెసివ్ గా ప్రమోషన్లు చేస్తున్నట్లు ఎక్కడా కనిపించట్లేదు.

ఇకపోతే ఈ సినిమాలో మోహన్ లాల్ పాత్రలో ఎవరైనా తెలుగు స్టార్‌ హీరో డేర్ చేసుంటే.. అద్భుతంగా ఉండేది. ఎందుకంటే అప్పుడు ఆటోమ్యాటిక్ గా రీచ్ బాగుండేది. యావరేజ్ తెలుగు ప్రేక్షకుడి పరిస్థితి చూసుకుంటే.. వారిలో చాలామంది మోహన్ లాల్ ఫేస్ చాలా క్రొత్తే. అలాగే మాజీ హీరోయిన్ గౌతమి ఫేస్ కూడా కొత్తే. అందుకే మరి ఓపెనింగులు అటకెక్కింది. అలాగే ప్రస్తుత కలక్షన్లు కూడా స్లో అయ్యింది. కాదంటారా?