ట్రైల‌ర్ టాక్ః ఈ సినిమాలో హీరో ఎవ‌రు?

న‌టుడిగా మంచి పేరు సంపాదించినా స‌రైన హిట్టు లేక ఇబ్బంది ప‌డుతున్నాడు యువ క‌థానాయ‌కుడు న‌వీన్ చంద్ర‌. ఇప్ప‌టిదాకా చాలా వ‌ర‌కు సీరియ‌స్ సినిమాలే చేసిన న‌వీన్.. ఈసారి కామెడీని న‌మ్ముకుని వ‌స్తున్నాడు. ఆ సినిమానే ‘మీలో ఎవ‌రు కోటీశ్వ‌రుడు’. ట్రెండీ టైటిల్ తో ఈ సినిమా బాగానే ఆక‌ర్షించింది. ఇవాళే దీని టీజ‌ర్ రిలీజైంది.

మామ‌లుగా ఒక కంపెనీకి లాభాలు తెచ్చిపెట్టే ఐడియా ఇస్తే డ‌బ్బులిస్తామ‌ని ప్ర‌క‌ట‌న ఇస్తారు. అలా కాకుండా ఒక కంపెనీకి లాస్ వ‌చ్చేలా మంచి ఐడియా ఇస్తే కోటి రూపాయ‌లిస్తామంటూ పేప‌ర్లో ఓ ప్ర‌క‌ట‌న వ‌స్తుంది. దీని చుట్టూ అల్లిన స్టోరీనే ‘మీలో ఎవ‌రు కోటీశ్వ‌రుడు’. విశేషం ఏంటంటే.. ఈ టీజ‌ర్ అంతా కూడా పృథ్వీనే హైలైట్ అయ్యాడు. అత‌నే ఫైట్లు చేశాడు. అత‌నే పంచ్ డైలాగులు పేల్చాడు. న‌వీన్ చంద్ర నామ‌మాత్రంగా క‌నిపించాడు. పృథ్వీని చూస్తూ.. హీరో నువ్వా నేనా అని న‌వీన్ అడుగుతున్న‌ట్లు కూడా చూపించారు టీజ‌ర్లో.

టీజ‌ర్ చివ‌ర్లో నా ప్రేమ వెన్నలా క‌రిగిపోయేది కాదు.. పాల‌లా విరిగిపోయేది కాదు.. మ‌జ్జిగ‌లా పులిసిపోయేది కాదంటూ ఫ‌న్నీ డైలాగ్ పేల్చాడు పృథ్వీ. మొత్తానికి ఈ సినిమా ప్ర‌ధానంగా పృథ్వీ చుట్టూ సాగుతుంద‌ని టీజ‌ర్ ను బ‌ట్టి అర్థ‌మ‌వుతోంది. శ్రీ స‌త్యసాయి ఆర్ట్స్ బేన‌ర్ మీద కె.కె.రాధామోహ‌న్ నిర్మించిన ఈ చిత్రానికి కామెడీ చిత్రాల స్పెష‌లిస్టు ఇ.స‌త్తిబాబు ద‌ర్శ‌క‌త్వం వ‌హించాడు. న‌వీన్ స‌ర‌స‌న ప‌టాస్ ఫేమ్ శ్రుతి సోధి క‌థానాయిక‌గా న‌టించింది.


Full View