వీడియో: రాఖీ వేళ మెగా బ్ర‌ద‌ర్స్ ఒకే ఫ్రేమ్ లో

మెగా బ్ర‌ద‌ర్స్ `చిరంజీవి- నాగ‌బాబు- ప‌వ‌న్ క‌ల్యాణ్` త్ర‌యం ఒకే ఫ్రేమ్ లో క‌నిపించ‌డం అరుదు. అప్పుడ‌ప్పుడు ఫ్యామిలీ ఫంక్ష‌న్ల‌లో త‌ప్ప క‌నిపించేది త‌క్కువే.  కుటుంబ‌ వేడుకల్ని మిన‌హాయిస్తే ఇత‌ర స‌మ‌యాల్లో వారంతా ఎవ‌రికి వారు బిజీ షెడ్యూల్స్ తో ఉంటారు. అయితే ఇటీవ‌లే హైద‌రాబాద్ అల్యూమినియం ఫ్యాక్ట‌రీలో ఇలాంటి అరుదైన దృశ్యం క‌నిపించింది. మెగా బ్ర‌ద‌ర్స్ `చిరు-ప‌వన్ - నాగ‌బాబు` ఎవ‌రికి వారు త‌మ షూటింగుల కోసం అల్యూమినియం ఫ్యాక్ట‌రీకి వెళ్ల‌గా అక్క‌డే మాతృమూర్తి అంజ‌నా దేవి స‌మ‌క్షంలో లంచ్ చేశారు.

ఈ సంద‌ర్భంగా ఆ ముగ్గురూ క‌లిసి ఉన్న ఫోటోలు వైర‌ల్ అయ్యాయి. తాజాగా రాఖీ సంద‌ర్భంగా ఆదివారం నాడు మ‌రోసారి మెగా బ్ర‌ద‌ర్స్ క‌లిసి మెలిసి ఒకే ఫ్రేమ్ లో ఉన్న వీడియో అంత‌ర్జాలంలో వైర‌ల్ గా మారింది. త‌మ ఇద్ద‌రు సోద‌రీమ‌ణులు ముగ్గురు అన్న‌య్య‌ల‌కు రాఖీలు క‌ట్టారు. నుదుటిన కుంకుమ బొట్టు పెట్టి చేతికి రాఖీ బ్యాండ్ క‌ట్టి అన్న‌య్య‌ల ధీవెన‌లు అందుకున్నారు. ఆ స‌మ‌యంలో ప‌వ‌న్ క‌ల్యాణ్ ఎంతో సాధా సీదాగా అన్న‌ల‌కు త‌మ్ముడిగా అక్క‌డ త‌మ సోద‌రీమ‌ణుల‌కు నీళ్లు అందిస్తూ క‌నిపించారు. ఆ దృశ్యం ఎంతో ఆశ్చ‌ర్యప‌ర‌చ‌డ‌మే గాక హుందాగా క‌నిపించింది. ఏదేమైనా రాఖీ పండ‌గ సోద‌ర‌సోద‌రీమ‌ణులను ఒకే వేదిక‌పైకి తీసుకుని వ‌చ్చింది.

ప్ర‌స్తుతం మెగాస్టార్ చిరంజీవి నాలుగు సినిమాల‌తో బిజీగా ఉన్నారు. ప‌వ‌ర్ స్టార్ ప‌వ‌న్ క‌ల్యాణ్ సైతం ఇప్ప‌టికే న‌లుగురు ద‌ర్శ‌కుల‌ను ఫైన‌ల్ చేశారు. ఇందులో రెండు సినిమాలు చిత్రీక‌ర‌ణ‌ల ద‌శ‌లో ఉన్నాయి. మెగా బ్ర‌ద‌ర్ నాగ‌బాబు బుల్లితెర జ‌డ్జిగా కొన‌సాగుతూనే సినిమాల్లో న‌టిస్తూ క్ష‌ణం తీరిక లేకుండా ఉన్నారు. అయితే ఇంత‌టి షెడ్యూల్ ఉన్నా రాఖీ రోజు బ్ర‌ద‌ర్స్ అంతా సిస్ట‌ర్స్ ని క‌లిసారు. రాఖీలు క‌ట్టించుకుని కానుక‌లు అందించారు. Full ViewFull View