మెగాస్టార్ నెక్స్ట్ మూవీ స్టార్ట్ అయ్యేది అప్పుడేనా...?

'ఖైదీ నెం.150' తో సినిమాల్లోకి రీఎంట్రీ ఇచ్చిన మెగాస్టార్ చిరంజీవి వరుస సినిమాలను లైన్లో పెడుతూ వస్తున్నాడు. ఈ క్రమంలో గతేడాది 'సైరా' తో పలరించిన చిరు ప్రస్తుతం 'ఆచార్య' సినిమాలో నటిస్తున్నారు. కొరటాల శివ దర్శకత్వం వహిస్తున్న ఈ సినిమాని కొణిదెల ప్రొడక్షన్స్ మరియు మాట్నీ మూవీస్ సంయుక్తంగా నిర్మిస్తున్నారు. ఇప్పటికే చాలా భాగం షూటింగ్ జరుపుకున్న 'ఆచార్య' లాక్ డౌన్ కారణంగా షూటింగ్ నిలుపుదల చేసుకుంది. కాగా 'ఆచార్య' తర్వాత మెగాస్టార్ చేసే చిత్రం ఏమిటనే ఉత్కంఠ ఫ్యాన్స్ లో నెలకొని ఉంది. అయితే చిరంజీవి మళయాళ సూపర్ హిట్ మూవీ 'లూసిఫర్' రీమేక్ లో నటిస్తారని వార్తలు వస్తున్నాయి. 'సాహో' చిత్ర దర్శకుడు సుజీత్ ఈ సినిమాని డైరెక్ట్ చేయనున్నాడు. ప్రస్తుతం 'లూసిఫర్' స్క్రిప్ట్ లో మన నేటివిటీకి తగ్గట్లు సుజీత్ మార్పులు చేర్పులు చేసే పనిలో ఉన్నాడు. ఈ సినిమాకి సంబంధించిన అధికారక ప్రకటన అయితే ఇంతవరకు వెలువడలేదు.

ఇదిలా ఉండగా అన్ని కుదిరితే తెలుగు 'లూసిఫర్' విజయదశమి సందర్భంగా పూజా కార్యక్రమాలతో స్టార్ట్ అయ్యే అవకాశాలున్నాయని ఇండస్ట్రీ వర్గాల సమాచారం. ఇకపోతే మలయాళ 'లూసిఫర్' చిత్రంలో హీరో మిడిల్ ఏజ్ క్యారక్టర్ లో కనిపిస్తాడు. అందులోనూ హీరోకి జోడీగా హీరోయిన్ కూడా ఉండదు.. సాంగ్స్ ఉండవు. మరి ఇవన్నీ దృష్టిలో పెట్టుకొని తెలుగు స్క్రిప్ట్ లో సుజీత్ ఎలాంటి మార్పులు చేస్తున్నాడో చూడాలి. అప్పుడే ఈ సినిమాలో నటీనటులపై అనేక రూమర్స్ స్ప్రెడ్ అవుతున్నాయి. ఈ సినిమాలో బాలీవుడ్ హీరో సల్మాన్ ఖాన్ నటిస్తాడని.. ఆ తర్వాత విజయ శాంతి నటిస్తుంని వార్తలు కూడా వచ్చాయి. ఇప్పుడు తాజాగా ఓ కీలక పాత్ర కోసం సీనియర్ నటి సుహాసినిని తీసుకోవాలని చిత్ర యూనిట్ అనుకుంటున్నారని వార్తలు వస్తున్నాయి. అయితే ఈ వార్తలలో నిజమెంతో తెలియాలంటే ఆఫీసియల్ అనౌన్స్మెంట్ వచ్చే వరకు వెయిట్ చేయాల్సిందే.