చిత్తూరుకు మోహన్ బాబు.. ఆయన కుటుంబంలో విషాదం

మోహన్ బాబు సోదరుడు రంగస్వామి నాయుడు (63) బుధవారం సాయంత్రం తిరుపతిలోని ఒక ప్రైవేట్ ఆసుపత్రిలో చికిత్స పొందుతూ గుండెపోటుతో మరణించారు. ఈటయన స్టార్ సినిమా నిర్మాత, నటుడు, విద్యావేత్త అయిన డాక్టర్ ఎం. మోహన్‌బాబు గారికి మొదటి తమ్ముడు.

రంగస్వామి నాయుడు రైతుగా జీవిస్తున్నారు. తిరుపతిలో నివాసం ఉంటున్నాడు. రంగస్వామి చాలా సంవత్సరాల నుండి డా. మోహన్ బాబు, అతని కుటుంబం యొక్క దాతృత్వ కార్యక్రమాలలో చురుకైన పాత్ర పోషిస్తున్నారు. ఆయన భార్య కాంతమ్మ.

రంగస్వామి మృతి గురించి తెలుసుకున్న పలువురు రైతులు.. అతని చిన్ననాటి స్నేహితులు శోకసంద్రంలో మునిగిపోయారు. గురువారం తిరుపతిలో అంత్యక్రియలు నిర్వహించనున్నారు.

కాగా అంత్యక్రియలకు హైదరాబాద్ నుంచి మోహన్ బాబు ఫ్యామిలీ చిత్తూరు జిల్లాకు బయలు దేరి వెళ్లింది. తమ్ముడి అంత్యక్రియల్లో మోహన్ బాబు స్వయంగా పాల్గొననున్నారు.