ఆ సూపర్ స్టార్ మరో తెలుగు మల్టీస్టారర్‌!

మలయాళ సూపర్‌ స్టార్‌ మోహన్ లాల్ అప్పుడప్పుడు తెలుగు సినిమాల్లో నటించడంతో పాటు ఆయన సినిమాలను తెలుగు లో డబ్‌ చేయడం తో సుదీర్ఘ కాలంగా తెలుగు ప్రేక్షకులకు చేరువగానే ఉంటున్నాడు. తెలుగు లో మంచి క్రేజ్ ను స్టార్ డమ్ ను దక్కించుకున్న మోహన్‌ లాల్ మరో తెలుగు సినిమా ను చేసేందుకు గ్రీన్‌ సిగ్నల్ ఇచ్చాడంటూ సినీ వర్గాల ద్వారా సమాచారం అందుతోంది.

మోహన్‌ లాల్ ప్రథాన పాత్రలో కన్నడ దర్శకుడు నంద కిషోర్‌ దర్శకత్వంలో రూపొందబోతున్న ఈ సినిమా కు 'వృషభ' అనే టైటిల్ ను ఖరారు చేసినట్లుగా తెలుస్తోంది. అదే టైటిల్ తో మలయాళంలో కూడా ఈ సినిమాను రూపొందించే అవకాశాలు కనిపిస్తున్నాయి. తెలుగు తో పాటు భారీ ఎత్తున ఇతర భాషల్లో కూడా విడుదల చేసేలా సినిమా ఉంటుందని మేకర్స్ అంటున్నారు.

వృషభ సినిమా యొక్క మరో ప్రత్యేక విషయం ఏంటీ అంటే తెలుగు కు చెందిన ఒక యంగ్‌ హీరో ఈ సినిమాలో కీలక పాత్రలో కనిపించబోతున్నాడట. అంటే ఇది ఒక మల్టీ స్టారర్ సినిమా గా ఉండబోతుందని.. ఆ యంగ్ హీరోకు మలయాళంలో కూడా మంచి గుర్తింపు ఉండటం వల్ల ఈ సినిమా ను అక్కడ ఇక్కడ కూడా భారీ ఎత్తున ప్రమోట్‌ చేసే ఉద్దేశ్యంతో ఉన్నట్లుగా తెలుస్తోంది.

మోహన్ లాల్‌ కు తెలుగు లో ఉన్న స్టార్‌ డమ్‌ నేపథ్యంలో కాస్త ఎక్కువ బడ్జెట్‌ తోనే ఈ సినిమాను అభిషేక్‌ వ్యాస్‌.. శ్యామ్ సుందర్‌ లు కలిసి నిర్మిస్తున్నట్లుగా సమాచారం అందుతోంది. ఈ సినిమా కథ యూనివర్శిల్ సబ్జెక్ట్‌ అని.. ప్రతి ఒక్కరు కూడా ఈ సినిమాకు కనెక్ట్‌ అయ్యే విధంగా ఉంటుందని అంటున్నారు. మోహన్ లాల్ కి తెలుగు లో వృషభ తో మరో విజయం దక్కనుందేమో చూడాలి.