ఎన్టీఆర్‌ కి ఆల్ట‌ర్నేటివ్ మోక్ష‌జ్ఞ‌?!

మొన్నటి రోజున న‌ట‌సింహా బాల‌య్య‌బాబు వార‌సుడు మోక్ష‌జ్ఞ పుట్టిన‌ రోజు వేడుక‌లు జ‌రుపుకున్న సంగ‌తి తెలిసిందే. ఫ్యాన్స్ హైద‌రాబాద్ సార‌థి స్టూడియో లో ఈ వేడుక‌ల్ని ఘ‌నంగా జ‌రుపుకున్నారు. వేడుక‌ల్లో నారా రోహిత్ త‌దిత‌రులు పాల్గొన్నారు. అయితే అక్క‌డితో  ఈ వేడుక‌లు పూర్త‌యిన‌ట్టు కాదు.. అస‌లు మోక్ష‌జ్ఞ‌కి అంద‌రి నుంచి ఆశీస్సులు వ‌చ్చినా జూనియ‌ర్ ఎన్టీఆర్ నుంచి బ్లెస్సింగ్స్ అందాయా లేదా అన్న చ‌ర్చ సాగింది.

అయినా ఎన్టీఆర్‌ తో నంద‌మూరి ఫ్యామిలీ స‌త్సంబంధాల్ని కొన‌సాగిస్తున్న‌దే లేదు. అత‌డిని పూర్తిగా దూరం పెట్టేశార‌ని కొంద‌రు అభిమానులు ముచ్చ‌టించుకోవ‌డం విశేషం.  అందుకు రుజువుగా క‌ర్నూల్ లాంటి చోట నంద‌మూరి అభిమానులు ఇచ్చిన వాణిజ్య ప్ర‌క‌ట‌న‌ల్లో అస‌లు జూనియ‌ర్ ఎన్టీఆర్ ఫోటోనే క‌నిపించ‌లేద‌ని చ‌ర్చ సాగింది. మోక్ష‌జ్ఞ ఫోటోతో పాటు సీనియ‌ర్ ఎన్టీఆర్‌ - బాల‌య్య ఫోటోలు ఉన్నాయి కానీ ఎన్టీఆర్ ఫోటోల్లేవ్‌. క‌ర్నూలు.. నంద‌మూరి ఫ్యాన్స్ ఇచ్చిన  పేప‌ర్ యాడ్స్‌ - ప్రింట్‌ - వెబ్ మీడియాలో ఎన్టీఆర్ ఫోటో  ఎక్క‌డా క‌నిపించ‌లేదు. అంటే బాల‌య్య అభిమానులు ఎన్టీఆర్‌ ని దూరం పెట్టేశార‌నే కదా దీన‌ర్థం.

సీనియ‌ర్ ఎన్టీఆర్  ఆ త‌ర్వాత బాల‌య్య‌ ఇప్పుడు జూనియ‌ర్ ఎన్టీఆర్.. మూడు జ‌న‌రేష‌న్ లు టాప్ పొజిష‌న్ ద‌క్కించుకుని హీరోలుగా కొన‌సాగుతున్నారు.  నంద‌మూరి వంశంలో ఎన్టీఆర్ మూడో త‌రం న‌టుడిగా స్టార్ డ‌మ్ చేజిక్కించుకుని వెలిగిపోతున్నాడు. అయినా అత‌డికి మోక్ష‌జ్ఞ అభిమానుల త‌ర‌పు నుంచి గౌర‌వం ద‌క్క‌నేలేదనేది వాస్తవం. ఒక‌వేళ నంద‌మూరి కుటుంబం నుంచి మోక్ష‌జ్ఞ ఎన్టీఆర్‌ కి ఆల్ట‌ర్నేట్ అవ్వాల‌ని అభిమానులు భావిస్తున్నార‌ని అనుకోవ‌చ్చు. అప్ప‌ట్లో టీడీపీ విష‌యంలో జ‌రిగిన గొడ‌వ‌తో ఎన్టీఆర్‌ ని ఆ ఫ్యామిలీ ఇక దూరం పెట్టేసింద‌న్న‌ది నిజం అని అభిమానులే చెబుతున్నారు.