'బ్యాచిలర్' విషయంలో ఎలాంటి మార్పు లేదంటున్న మేకర్స్..!

టాలీవుడ్ ఇండస్ట్రీలో అక్కినేని వారసుడు అఖిల్ ప్రస్తుతం బ్యాచిలర్ మూవీ విడుదల విషయంలో చాలా ప్రాబ్లెమ్స్ ఫేస్ చేస్తున్నాడు. అసలే కెరీర్ ప్రారంభం నుండి సరైన హిట్టు లేక విశ్వప్రయత్నాలు చేస్తున్నాడు అఖిల్. కెరీర్ లో ఇప్పటివరకు మూడు సినిమాలు చేసాడు. కానీ ఆ మూడు సినిమాలు అక్కినేని అభిమానులను నిరాశపరచడంతో హీరోకు బ్లాక్ బస్టర్ రుచిని చూపించలేకపోయాయి. కానీ ఎన్ని ప్లాప్ సినిమాలు పడినా ఈ మన్మధుడి వారసుడికి అభిమానుల ఫాలోయింగ్ ఏమాత్రం తగ్గలేదు. ఇప్పటికి అక్కినేని ఫ్యామిలీ హీరోలు కింగ్ నాగార్జున, నాగచైతన్యల అభిమానులు ఓ మంచి సినిమాతో వస్తే అఖిల్ సినిమాను ఆదరించడానికి సిద్దంగానే ఉన్నారు. కానీ చేసిన ప్రతి సినిమా బాక్సాఫీస్ వద్ద బోల్తా కొడుతుండటంతో అక్కినేని ఫ్యామిలీ అఖిల్ కెరీర్ గురించి ఆలోచనలో పడ్డారు.

నిజానికి అఖిల్.. హలో.. మిస్టర్ మజ్ను సినిమాల తర్వాత చాలా గ్యాప్ తీసుకొని బొమ్మరిల్లు భాస్కర్ కథను ఓకే చేసాడు అఖిల్. కానీ బొమ్మరిల్లు భాస్కర్ కూడా వరుస ప్లాపులలో ఉండటంతో అభిమానులలో కంగారు మొదలైంది. అఖిల్, భాస్కర్ కాంబినేషన్ సినిమాకు 'మోస్ట్ ఎలిజిబుల్ బ్యాచిలర్' అనే టైటిల్ ఫిక్స్ చేసిన సంగతి తెలిసిందే. నిజానికి గతేడాది ఏప్రిల్ నెలలో విడుదల కావాల్సిన సినిమా.. కరోనా కారణంగా షూటింగ్ నిలిచిపోయి వాయిదా పడింది. సరే అని మధ్యమధ్యలో న్యూ లుక్, ఫస్ట్ లుక్.. ఫెస్టివల్ స్పెషల్ లుక్ అంటూ పోస్టర్లతో బజ్ క్రియేట్ చేసుకుంటున్నారు మేకర్స్.

ప్రస్తుతం కరోనా పరిస్థితి ఇంకా అలాగే ఉండటంతో పలు సినిమాలు రిస్క్ ఎందుకని ఓటిటి వైపు అడుగులు వేస్తున్నాయి. కానీ సంవత్సర కాలంగా వెయిట్ చేస్తున్న అఖిల్ సినిమా మాత్రం ఓటిటిలో ఎందుకు రిలీజ్ అవ్వట్లేదని పలువురు సందేహాలు వ్యక్తం చేశారు. అయితే ఇటీవలే గీతాఆర్ట్స్ సంస్థ తమ సంస్థ నిర్మాణంలో తెరకెక్కిన సినిమాలు ఏవి కూడా నేరుగా ఓటిటి రిలీజ్ కావని తేల్చి చెప్పేసరికి ఫ్యాన్స్ ఆశ్చర్యపోయారు. థియేటర్స్ విషయం ఏమోగానీ ఈ బ్యాచిలర్ సినిమాకు ఓటిటిలో మాత్రం మంచి రేట్ వచ్చే అవకాశం ఉందట. కానీ ఎందుకో మేకర్స్ మాత్రం నో చెప్పేసారు. మరి అఖిల్ సినిమాకోసం ఇంకెంత కాలం వెయిట్ చేయాలో.. కానీ మరోవైపు అఖిల్ ఏజెంట్ సినిమా కూడా పట్టాలెక్కేసింది. మరి ఇకనైనా మేకర్స్ ఏదొక నిర్ణయానికి వస్తే బాగుంటుందని టాక్ నడుస్తుంది. ఈ సినిమాలో పూజాహెగ్డే హీరోయిన్ కాగా గోపిసుందర్ సంగీతం అందిస్తున్నాడు.