మురుగదాస్ ద‌ర్శ‌క‌త్వంలో మహేష్ బాబు క‌థానాయ‌కుడిగా తెరకెక్క‌నున్న చిత్రంపై ఓ క్లారిటీ వ‌చ్చేసింది. ముంబై నేప‌థ్యంలో ఆ చిత్రం తెర‌కెక్క‌బోతున్న‌ట్టు తెలిసింది. విశ్వ‌స‌నీయ వ‌ర్గాల స‌మాచారం మేర‌కు మురుగ ఇదివ‌ర‌కు తెర‌కెక్కించిన తుపాకీకి సీక్వెల్ గా ఆ చిత్రం రూపొంద‌బోతున్న‌ట్టు స‌మాచారం. అది కూడా మురుగదాస్ కెరీర్ లోనే హ‌య్య‌స్ట్ బ‌డ్జెట్‌ తో తెర‌కెక్కుతున్న‌ట్టు తెలిసింది. సుమారు రూ: 85కోట్ల వ్య‌యంతో ఆ చిత్రం తీయ‌బోతున్న‌ట్టు తెలిసింది. విజ‌య్ క‌థానాయ‌కుడిగా న‌టించిన తుపాకి తెలుగు - తమిళ భాష‌ల్లో భారీ విజ‌యాన్ని న‌మోదు చేసింది. హిందీలోనూ అక్ష‌య్‌ కుమార్‌ తో తెర‌కెక్కించాడు మురుగదాస్. అక్క‌డ కూడా సినిమాకి లాభాలే వ‌చ్చాయి. ఇప్పుడు ఆ సినిమాకి సీక్వెల్ అంటే భారీ అంచ‌నాలే ఉంటాయి.
అయితే చిత్ర‌వ‌ర్గాలు మాత్రం తుపాకి సీక్వెల్ గా కాకుండా... ఆ చిత్రానికి నెక్స్ట్ లెవెల్ వెర్షన్ గా ఉంటుంద‌ని చెబుతున్నాయి. తెలుగు - తమిళ భాష‌ల్లో ఒకేసారి రూపొంద‌నున్న ఈ చిత్రం ఏప్రిల్‌ లో త‌మిళ్ న్యూఇయ‌ర్ సంద‌ర్భంగా మొద‌లుపెట్ట‌బోతున్న‌ట్టు తెలిసింది. మురుగదాస్ ప్ర‌స్తుతం హిందీలో అకీరా అనే చిత్రాన్ని తెర‌కెక్కిస్తున్నాడు. మహేష్ బాబు బ్రహ్మోత్స‌వంలో న‌టిస్తూ బిజీగా గ‌డుపుతున్నాడు. ఆ రెండు చిత్రాల ప‌నులు పూర్త‌వ్వ‌గానే ఇద్ద‌రూ క‌లిసి కొత్త చిత్రం కోసం రంగంలోకి దిగ‌బోతున్నార‌ని తెలిసింది.
అయితే చిత్ర‌వ‌ర్గాలు మాత్రం తుపాకి సీక్వెల్ గా కాకుండా... ఆ చిత్రానికి నెక్స్ట్ లెవెల్ వెర్షన్ గా ఉంటుంద‌ని చెబుతున్నాయి. తెలుగు - తమిళ భాష‌ల్లో ఒకేసారి రూపొంద‌నున్న ఈ చిత్రం ఏప్రిల్‌ లో త‌మిళ్ న్యూఇయ‌ర్ సంద‌ర్భంగా మొద‌లుపెట్ట‌బోతున్న‌ట్టు తెలిసింది. మురుగదాస్ ప్ర‌స్తుతం హిందీలో అకీరా అనే చిత్రాన్ని తెర‌కెక్కిస్తున్నాడు. మహేష్ బాబు బ్రహ్మోత్స‌వంలో న‌టిస్తూ బిజీగా గ‌డుపుతున్నాడు. ఆ రెండు చిత్రాల ప‌నులు పూర్త‌వ్వ‌గానే ఇద్ద‌రూ క‌లిసి కొత్త చిత్రం కోసం రంగంలోకి దిగ‌బోతున్నార‌ని తెలిసింది.