మురగకి మళ్లీ రకుల్ కావాలట

రకుల్ ప్రీత్ సింగ్ టాలీవుడ్ లో స్టార్ హీరోయిన్ స్టేటస్ కి వచ్చేసిందని అనడంలో సందేహం అక్కర్లేదు. ఇప్పటికే రామ్ చరణ్ తో వరుసగా రెండు సినిమాలు.. జూనియర్ ఎన్టీఆర్ తో ఓ మూవీ.. అల్లు అర్జున్ తో సినిమాలు చేయగా.. ఈ నాలుగింటిలో మూడు సూపర్ డూప్ హిట్ అయిపోయాయి.

వీటన్నిటితో పాటు ప్రస్తుతం టాలీవుడ్ సూపర్ స్టార్ సరసన మురుగదాస్ దర్శకత్వంలో రూపొందుతున్న చిత్రంలో నటించేస్తోంది రకుల్ ప్రీత్. స్పై-డర్ అనే టైటిల్ ఈ చిత్రానికి ఫిక్స్ చేసే అవకాశం ఉండగా.. రకుల్ నెక్ట్స్ అసైన్మెంట్స్ విషయంలో ఇప్పుడో కొత్త అప్డేట్ వచ్చింది. మహేష్ బాబుతో మూవీ తర్వాత.. ఇళయదళపతి విజయ్ తో దర్శకుడు మురుగదాస్ సినిమా చేయనున్నాడు. వీరిద్దరి కాంబినేషన్ లో తుపాకి.. కత్తి చిత్రాల తర్వాత వస్తున్న హ్యాట్రిక్ మూవీ ఇది. ప్రస్తుతం రకుల్ ప్రీత్ సింగ్ ట్యాలెంట్ ను.. కమిట్మెంట్ ను ఆరు నెలలుగా అబ్జర్వ్ చేస్తున్న మురుగదాస్.. విజయ్ తో సినిమాకు కూడా ఈమెనే హీరోయిన్ గా తీసుకోవాలని భావిస్తున్నాడట.

ఇప్పటికే ఈ విషయాన్ని రకుల్ కి చెప్పగా.. డేట్స్ విషయంలో తర్జన భర్జన పడుతోందిట ఈ టాలీవుడ్ భామ. తమిళ్ లో సత్తా చాటే అవకాశం లేకపోవడంతో.. ఎలాగైనా సరే డేట్స్ అడ్జస్ట్ చేసుకుని మరి విజయ్ సరసన నటించాలన్నది రకుల్ ప్రీత్ సింగ్ ఆలోచనగా చెబుతున్నారు.

Like Us on Facebook : https://www.facebook.com/Tupakidotcom/