కత్తి సినిమా తెలుగు రీమేక్ గురించి ఏడాదిగా చర్చ జరుగుతోంది. కానీ ఇప్పటిదాకా ఏ సంగతీ తేలలేదు. ముందు పవన్ అన్నారు. ఆ తర్వాత ఎన్టీఆర్ అన్నారు. కొన్ని నెలల నుంచి చిరంజీవి పేరు నానుతోంది. వినాయక్ దర్శకత్వంలో చిరంజీవి హీరోగా ‘కత్తి’ రీమేక్ పక్కా అనుకున్నాక.. మళ్లీ బ్రేక్ పడింది. ఇప్పుడు వరుణ్ తేజ్ హీరోగా ఆ సినిమాను తెరకెక్కిస్తారన్న ప్రచారం జరుగుతోంది. మొత్తానికి ‘కత్తి’ సినిమా డబ్బింగ్ వెర్షనూ రాక, రీమేకూ ఖాయం కాక గందరగోళం నడుస్తోంది.
తెలుగోళ్ల సంగతి ఇలా ఉంటే మురుగదాస్ ‘కత్తి’ హిందీ రీమేక్ షురూ చేస్తున్నాడు. తన మిత్రుడు అక్షయ్ కుమార్ తో ‘కత్తి’ పట్టించడానికి రంగం సిద్ధం చేశాడు. ‘కత్తి’ తీస్తున్నపుడే హిందీ రీమేక్ రైట్స్ తనే తీసుకునేలా ఒప్పందం కుదుర్చుకున్న మురుగదాస్.. అక్షయ్ హీరోగా ఈ రీమేక్ ను అనౌన్స్ చేశాడు. వీళ్లిద్దరి కాంబినేషన్ లో ఇంతకుముందు వచ్చిన ‘తుపాకి’ రీమేక్ ‘హాలిడే’ పెద్ద హిట్టయింది. ఐతే ‘కత్తి’ రీమేక్ కు మురుగదాస్ నిర్మాత మాత్రమే. దర్శకత్వం అతడి శిష్యుడు జగన్ చేయబోతున్నాడు. సినిమాకు సంబంధించి పూర్తి వివరాలు త్వరలోనే వెల్లడవుతాయి.
తెలుగోళ్ల సంగతి ఇలా ఉంటే మురుగదాస్ ‘కత్తి’ హిందీ రీమేక్ షురూ చేస్తున్నాడు. తన మిత్రుడు అక్షయ్ కుమార్ తో ‘కత్తి’ పట్టించడానికి రంగం సిద్ధం చేశాడు. ‘కత్తి’ తీస్తున్నపుడే హిందీ రీమేక్ రైట్స్ తనే తీసుకునేలా ఒప్పందం కుదుర్చుకున్న మురుగదాస్.. అక్షయ్ హీరోగా ఈ రీమేక్ ను అనౌన్స్ చేశాడు. వీళ్లిద్దరి కాంబినేషన్ లో ఇంతకుముందు వచ్చిన ‘తుపాకి’ రీమేక్ ‘హాలిడే’ పెద్ద హిట్టయింది. ఐతే ‘కత్తి’ రీమేక్ కు మురుగదాస్ నిర్మాత మాత్రమే. దర్శకత్వం అతడి శిష్యుడు జగన్ చేయబోతున్నాడు. సినిమాకు సంబంధించి పూర్తి వివరాలు త్వరలోనే వెల్లడవుతాయి.