రోలార్ కోస్టర్ ఆడుతున్న మహేష్

మహేష్ బాబు- మురుగదాస్ కాంబినేషన్ లో రూపొందుతున్న మూవీ.. ఇప్పుడు క్లైమాక్స్ దశకు చేరుకుంది. ప్రస్తుతం ఈచిత్రం కోసం క్లైమాక్స్ చిత్రీకరిస్తున్నారు. మహేష్ రేంజ్ కు ఏ మాత్రం తగ్గకుండా ఈ క్లైమాక్స్ ఉండనుందని తెలుస్తోంది. సూపర్ స్టార్ సినిమాల అన్నింటిలోకీ బెస్ట్ క్లైమాక్స్ అనిపించుకునే స్థాయిలో ఇది ఉండనుందని అంటున్నారు.

ఈ ఎపిసోడ్ ను రోలార్ కోస్టర్ పై చిత్రీకరిస్తున్నాడు దర్శకుడు మురుగదాస్. ప్రస్తుతం ఈ రోలార్ కోస్టర్ సెట్ లో చిత్రీకరణ జరుగుతోంది. నిజానికి వండర్ లాలో రోలార్ కోస్టర్ పై చిత్రీకరించాలని భావించారు. కాన్ని దాని వేగం నియంత్రించడం అసాధ్యం కావడంతో.. ఇలా సెట్ వేసుకుని చిత్రీకరణ చేయాల్సి వచ్చింది. ఒరిజినల్ రోలార్ కోస్టర్ ను తలపించేలా ఈ సెట్ నిర్మాణం జరిగింది. అయితే.. నిజమైన రోలార్ కోస్టర్ కు సంబంధించిన కొన్ని షాట్స్ కూడా మిక్స్ చేస్తున్నారు. మూవీ మొత్తంలోకి ఈ క్లైమాక్స్ ఎపిసోడ్ హైలైట్ గా ఉండేలా జాగ్రత్త పడుతున్నాడు దర్శకుడు.

రకుల్ ప్రీత్ సింగ్ హీరోయిన్ గా నటిస్తున్న ఈ చిత్రానికి సంబంధించి కొన్ని కీలకమైన సీన్స్ తో పాటు పాటలను కూడా పిక్చరైజ్ చేయాల్సి ఉందట. అయితే.. జూన్ 23న రిలీజ్ మాత్రం ఖాయం అని చెబుతుండడం విశేషం.

Like Us on Facebook : https://www.facebook.com/Tupakidotcom/