అఖిల్‌ తో పెళ్లిని మా అమ్మ డిసైడ్‌ చేయాలి!

తెలుగు బిగ్‌ బాస్‌ సీజన్‌ 4 లవ్‌ బర్డ్స్‌ గా అఖిల్‌ మరియు మోనాల్‌ లు నిలిచారు. వీరిద్దరు హౌస్‌ లో ఉన్న సమయంలో చాలా క్లోజ్‌ గా ఉన్నారు. మోనాల్‌ మరియు అఖిల్‌ లు నిజంగానే ప్రేమలో ఉన్నారా అనే అనుమానం కలిగేలా ఇద్దరు కూడా అత్యంత క్లోజ్‌ గా కనిపించారు. బయటకు వచ్చిన తర్వాత ఎవరి దారి వారిది అన్నట్లుగా కాకుండా తరచు కలవడంతో పాటు స్నేహంగా ఉంటున్నారు.

అఖిల్‌ వల్లే మోనాల్‌కు.. మోనాల్ వల్లే అఖిల్‌ కు ఇంత గుర్తింపు వచ్చిందని ఈ సీజన్ లో ఫైనల్ వరకు వారు వచ్చారంటే ఇద్దరి మద్య ఉన్న కెమిస్ట్రినే అంటూ ప్రేక్షకులతో పాటు ప్రతి ఒక్కరు అంటున్నారు. అందుకే ఇద్దరి పెళ్లి గురించి జనాలు పదే పదే అడుగుతున్నారు.

బిగ్ బాస్ తర్వాత సినిమాలు.. బుల్లి తెరపై బిజీ బిజీగా అయిన ముద్దుగుమ్మ మోనాల్‌ గజ్జర్ రెగ్యులర్ గా సోషల్‌ మీడియాలో కూడా ఉంటుంది. ఆమె ఎక్కడకు వెళ్లినా కూడా అఖిల్‌ ను అడుగుతున్నారు. అలాగే వదినా అన్న అఖిల్‌ తో పెళ్లి ఎప్పుడు అంటూ ప్రశ్నిస్తున్నారు. ఇటీవల ఒక లైవ్‌ చిట్ చాట్‌ లో ఒక వ్యక్తి అన్న వదినా అంటూ సంబంధం కలిపి పెళ్లి ఎప్పుడు అంటూ ప్రశ్నించడంతో మోనాల్‌ సమాధానం చెప్తూ.. మా ఇద్దరి పెళ్లిని మీరు ఎలా డిసైడ్‌ చేస్తారు.

మా మమ్మి కదా మా పెళ్లిని డిసైడ్‌ చేసేది అంటూ చెప్పుకొచ్చింది. అంటే అమ్మ అఖిల్‌ ను పెళ్లి చేసుకోమంటే మోనాల్‌ ఓకే చెప్పేలా ఉంది అంటూ నెటిజన్స్ ఆమె స్పందనపై కూడా కామెంట్‌ చేస్తున్నారు. బిగ్‌ బాస్‌ ముగిసి నెలలు గడుస్తున్నా మోనాల్‌ అఖిల్‌ ల సందడి మాత్రం కంటిన్యూ అవుతూనే ఉంది.