మైత్రి మూవీ మేకర్స్ నిర్మించిన ఉప్పెన సినిమా సూపర్ హిట్ అయ్యింది. సుకుమార్‌ శిష్యుడు బుచ్చి బాబు ఈ సినిమాతో దర్శకుడిగా పరిచయం అయిన విషయం తెల్సిందే. మొదటి సినిమాతోనే వంద కోట్ల క్లబ్‌ లో చేరిన దర్శకుడు బుచ్చి బాబు ప్రస్తుతం టాక్ ఆఫ్‌ ది ఇండస్ట్రీ గా నిలిచాడు. ఆయన వెంట ప్రస్తుతం భారీ అడ్వాన్స్‌ లతో నిర్మాతలు పడుతున్నారు. ఈ సమయంలోనే మైత్రి వారు మరోసారి బుచ్చితో సినిమా చేయాలనుకుంటున్నట్లుగా గతంలోనే వార్తలు వచ్చాయి. తాజాగా దర్శకుడు బుచ్చి బాబుకు మైత్రి వారు భారీ బహుమానంను ఇచ్చారు. రూ.75 లక్షలు విలువ చేసే బెంజ్ కారును బుచ్చి బాబు కోసం మైత్రి వారు కొనుగోలు చేశారు. తాజాగా బుచ్చి బాబుకు ఆ కారును అప్పగించారు.
దర్శకులకు ఇలా కార్ల బహుమానాలు ఇవ్వడం కొత్తేమి కాదు. కొరటాల శివకు గతంలో శ్రీమంతుడు సినిమా కు గాను నిర్మాతల నుండి కారును బహుమానంగా దక్కించుకున్న విషయం తెల్సిందే. ఆర్‌ ఎక్స్ 100 సినిమా సూపర్ హిట్ అయిన నేపథ్యంలో అజయ్‌ భూపతికి కూడా నిర్మాతలు కారును ఇచ్చారు. భీష్మ సక్సెస్ నేపథ్యంలో వెంకీ అట్లూరీకి మరియు ప్రతి రోజు పండుగే సినిమా కు గాను మారుతి కూడా గతంలో కారును బహుమానంగా దక్కించుకున్నాడు. ఇప్పుడు ఆ జాబితాలో బుచ్చి బాబు తన మొదటి సినిమా 'ఉప్పెన'కు కారును దక్కించుకున్నాడు.
దర్శకులకు ఇలా కార్ల బహుమానాలు ఇవ్వడం కొత్తేమి కాదు. కొరటాల శివకు గతంలో శ్రీమంతుడు సినిమా కు గాను నిర్మాతల నుండి కారును బహుమానంగా దక్కించుకున్న విషయం తెల్సిందే. ఆర్‌ ఎక్స్ 100 సినిమా సూపర్ హిట్ అయిన నేపథ్యంలో అజయ్‌ భూపతికి కూడా నిర్మాతలు కారును ఇచ్చారు. భీష్మ సక్సెస్ నేపథ్యంలో వెంకీ అట్లూరీకి మరియు ప్రతి రోజు పండుగే సినిమా కు గాను మారుతి కూడా గతంలో కారును బహుమానంగా దక్కించుకున్నాడు. ఇప్పుడు ఆ జాబితాలో బుచ్చి బాబు తన మొదటి సినిమా 'ఉప్పెన'కు కారును దక్కించుకున్నాడు.