లేటెస్ట్ క్లిక్: 'లాల్ సింగ్ చద్దా' షూట్ లో విడిపోయిన అమీర్-కిరణ్ దంపతులతో చైతన్య..!
యువ సామ్రాట్ అక్కినేని నాగచైతన్య బాలీవుడ్ లో అడుగుపెట్టబోతున్నట్లు ఎప్పటి నుంచో వార్తలు వస్తున్నాయి. బాలీవుడ్ స్టార్స్ అమీర్ ఖాన్ - కరీనా కపూర్ జంటగా నటిస్తున్న ''లాల్ సింగ్ చద్దా'' చిత్రంలో నాగచైతన్య కీలక పాత్రలో నటించనున్నారని అన్నారు. అయితే దీని గురించి రోజుకో వార్త వస్తూనే ఉన్నా చైతన్య మాత్రం దీనిపై ఇంతవరకు స్పందించలేదు. ఈ నేపథ్యంలో తాజాగా 'లాల్ సింగ్ చద్దా' షూటింగ్ లో పాల్గొన్న ఓ ఫోటోని షేర్ చేసి చైతూ.. ఈ విషయాన్ని కంఫర్మ్ చేశారు.
'లాల్ సింగ్ చద్దా' సినిమా షూటింగ్ ప్రస్తుతం లడఖ్ లో జరుగుతోంది. గురువారం ఈ సినిమా షూట్ లో జాయిన్ అయిన నాగచైతన్య.. లొకేషన్ లో అమీర్ ఖాన్ తో దిగిన ఓ ఫోటోని ఈరోజు సోషల్ మీడియా మాధ్యమాల్లో షేర్ చేశారు. ఈ సినిమాలో నటిస్తున్నందుకు గ్రేట్ ఫుల్ గా ఫీల్ అవుతున్నట్లు చై పేర్కొన్నారు. ఇందులో చై - అమీర్ ఇద్దరూ మిలిటరీ డ్రెస్ లో కనిపిస్తున్నారు. అయితే చైతూ పోస్ట్ చేసిన ఫొటోలో అమీర్ ఖాన్ తో పాటుగా ఇటీవల అతని నుంచి విడిపోయిన భార్య కిరణ్ రావు కూడా ఉన్నారు. 15ఏళ్ల వివాహ బంధానికి స్వస్తి పలికినట్లు ప్రకటించి అమీర్ - కిరణ్ జంట.. ఇకపై స్నేహితులుగా కొనసాగుతామని తెలిపారు. చెప్పినట్లుగానే ఇద్దరూ కలిసి వర్క్ చేస్తూ ఫ్రెండ్స్ గా ఉంటున్నారని ఈ పిక్ చూస్తే అర్థం అవుతోంది.
ఇక 'లాల్ సింగ్ చద్దా' సినిమా విషయానికొస్తే.. అద్వైత్‌ చందన్‌ ఈ చిత్రానికి దర్శకత్వం వహిస్తున్నారు. ఇందులో నాగచైతన్య.. సైన్యంలో ఆమిర్‌ ఖాన్ కు స్నేహితుడిగా కనిపించనున్నారు. ప్రస్తుతం లడక్ లో 20 రోజుల పాటు జరిగే షెడ్యూల్ లో అమీర్ - చైతన్య పాల్గొనే వార్ సీక్వెన్స్ లను షూట్ చేయనున్నారని సమాచారం. కాగా, ఆస్కార్ విజేత టామ్ హాంక్స్ ప్రధాన పాత్రలో వచ్చిన హాలీవుడ్‌ సినిమా 'ఫారెస్ట్‌ గంప్‌' అఫీషియల్ రీమేక్ గా 'లాల్ సింగ్ చద్దా' రూపొందుతోంది. ఇందులో బెంజమిన్ బుఫోర్డ్ బ్లూ పాత్రనే చైతన్య పోషిస్తున్నాడని తెలుస్తోంది. 2021 క్రిస్మస్ సందర్భంగా ఈ చిత్రాన్ని విడుదల చేసే అవకాశం ఉంది.
ఇప్పటికే శేఖర్ కమ్ముల దర్శకత్వంలో 'లవ్ స్టోరీ' సినిమాని పూర్తి చేసిన నాగచైతన్య.. ప్రస్తుతం విక్రమ్ కె. కుమార్ డైరెక్షన్ లో 'థాంక్యూ' మూవీలో నటిస్తున్నారు. ఈ క్రమంలో తన తండ్రి అక్కినేని నాగార్జున బాటలో స్ట్రెయిట్ హిందీ సినిమా చేస్తున్నాడు. నాగ్ ప్రస్తుతం 'బ్రహ్మాస్త్ర' అనే బాలీవుడ్ సినిమాలో నటిస్తున్న విషయం తెలిసిందే. చైతన్య సతీమణి సమంత అక్కినేని కూడా 'ఫ్యామిలీ మ్యాన్ 2' సిరీస్ తో వరల్డ్ వైడ్ సత్తా చాటింది. ఇదంతా చూస్తుంటే రాబోయే రోజుల్లో అక్కినేని ఫ్యామిలీ టాలీవుడ్ తో పాటుగా బాలీవుడ్ పై ఫోకస్ పెట్టబోతున్నారని తెలుస్తోంది.
'లాల్ సింగ్ చద్దా' సినిమా షూటింగ్ ప్రస్తుతం లడఖ్ లో జరుగుతోంది. గురువారం ఈ సినిమా షూట్ లో జాయిన్ అయిన నాగచైతన్య.. లొకేషన్ లో అమీర్ ఖాన్ తో దిగిన ఓ ఫోటోని ఈరోజు సోషల్ మీడియా మాధ్యమాల్లో షేర్ చేశారు. ఈ సినిమాలో నటిస్తున్నందుకు గ్రేట్ ఫుల్ గా ఫీల్ అవుతున్నట్లు చై పేర్కొన్నారు. ఇందులో చై - అమీర్ ఇద్దరూ మిలిటరీ డ్రెస్ లో కనిపిస్తున్నారు. అయితే చైతూ పోస్ట్ చేసిన ఫొటోలో అమీర్ ఖాన్ తో పాటుగా ఇటీవల అతని నుంచి విడిపోయిన భార్య కిరణ్ రావు కూడా ఉన్నారు. 15ఏళ్ల వివాహ బంధానికి స్వస్తి పలికినట్లు ప్రకటించి అమీర్ - కిరణ్ జంట.. ఇకపై స్నేహితులుగా కొనసాగుతామని తెలిపారు. చెప్పినట్లుగానే ఇద్దరూ కలిసి వర్క్ చేస్తూ ఫ్రెండ్స్ గా ఉంటున్నారని ఈ పిక్ చూస్తే అర్థం అవుతోంది.
ఇక 'లాల్ సింగ్ చద్దా' సినిమా విషయానికొస్తే.. అద్వైత్‌ చందన్‌ ఈ చిత్రానికి దర్శకత్వం వహిస్తున్నారు. ఇందులో నాగచైతన్య.. సైన్యంలో ఆమిర్‌ ఖాన్ కు స్నేహితుడిగా కనిపించనున్నారు. ప్రస్తుతం లడక్ లో 20 రోజుల పాటు జరిగే షెడ్యూల్ లో అమీర్ - చైతన్య పాల్గొనే వార్ సీక్వెన్స్ లను షూట్ చేయనున్నారని సమాచారం. కాగా, ఆస్కార్ విజేత టామ్ హాంక్స్ ప్రధాన పాత్రలో వచ్చిన హాలీవుడ్‌ సినిమా 'ఫారెస్ట్‌ గంప్‌' అఫీషియల్ రీమేక్ గా 'లాల్ సింగ్ చద్దా' రూపొందుతోంది. ఇందులో బెంజమిన్ బుఫోర్డ్ బ్లూ పాత్రనే చైతన్య పోషిస్తున్నాడని తెలుస్తోంది. 2021 క్రిస్మస్ సందర్భంగా ఈ చిత్రాన్ని విడుదల చేసే అవకాశం ఉంది.
ఇప్పటికే శేఖర్ కమ్ముల దర్శకత్వంలో 'లవ్ స్టోరీ' సినిమాని పూర్తి చేసిన నాగచైతన్య.. ప్రస్తుతం విక్రమ్ కె. కుమార్ డైరెక్షన్ లో 'థాంక్యూ' మూవీలో నటిస్తున్నారు. ఈ క్రమంలో తన తండ్రి అక్కినేని నాగార్జున బాటలో స్ట్రెయిట్ హిందీ సినిమా చేస్తున్నాడు. నాగ్ ప్రస్తుతం 'బ్రహ్మాస్త్ర' అనే బాలీవుడ్ సినిమాలో నటిస్తున్న విషయం తెలిసిందే. చైతన్య సతీమణి సమంత అక్కినేని కూడా 'ఫ్యామిలీ మ్యాన్ 2' సిరీస్ తో వరల్డ్ వైడ్ సత్తా చాటింది. ఇదంతా చూస్తుంటే రాబోయే రోజుల్లో అక్కినేని ఫ్యామిలీ టాలీవుడ్ తో పాటుగా బాలీవుడ్ పై ఫోకస్ పెట్టబోతున్నారని తెలుస్తోంది.