ఈసారి అమ్మమ్మ‌ గారిల్లంట‌

బాగా ప‌రిచ‌యం ఉన్న ఫేస్ మాదిరి క‌నిపిస్తుంది నాగ‌శౌర్య‌ను చూసినంత‌నే. సాఫ్ట్ గా ఉండ‌ట‌మే కాదు.. ఇవాల్టి రోజున స‌గ‌టు ఐటీ ఉద్యోగి అన్న‌ట్లుగా క‌నిపిస్తాడు. సెలెక్టివ్‌గా సినిమాలు చేసే ఈ యువ హీరో ట్రాక్ రికార్డు మ‌రీ అంత నిరాశ‌గా ఏమీ క‌నిపించ‌దు. గ‌తేడాది ఒక మ‌న‌సు.. నీ జ‌త‌లేక‌తో నిరాశ ప‌ర్చినా.. క‌ల్యాణ వైభోగ‌మే.. జోఅచ్యుతానందల‌తో మాత్రం ట్రాక్ మీద‌కు వ‌చ్చేశాడు.

తెలుగు రాష్ట్రాల‌తో పాటు.. త‌న సినిమా వ‌సూళ్లు ఓవ‌ర్సీస్ లోనూ పెంచేసుకున్న నాగ‌శౌర్య సినిమాల‌కు మినిమం గ్యారెంటీ అన్న ముద్ర అయితే వేయించుకున్నార‌ని చెప్పాలి.తాజాగా కొత్త ద‌ర్శ‌కుడు సుంద‌ర్ తో ఒక మూవీ ఓకే చేసిన‌ట్లుగా తెలుస్తోంది. గ‌తంలో బొమ్మ‌రిల్లు భాస్క‌ర్ ద‌గ్గ‌ర స‌హాయ‌కుడిగా వ్య‌వ‌హ‌రించిన సుంద‌ర్ తో సినిమా చేసేందుకు ఓకే అనేశార‌ట‌.

విశ్వ‌స‌నీయ వ‌ర్గాల స‌మాచారం ప్ర‌కారం.. నాగ‌శౌర్య చేయ‌బోయే కొత్త చిత్రం పేరు.. అమ్మ‌మ్మ గారి ఇల్లుగా చెబుతున్నారు. పేరు చూస్తేనే.. సినిమా ఎంత సాఫ్ట్ గా సాగుతుందో అర్థ‌మ‌వుతుంది. మ‌రి.. అంచ‌నాల‌కు త‌గ్గ‌ట్లే ఉంటుందా? మ‌రోలా ఉంటుందా? అన్న‌ది కాస్త వెయిట్ చేస్తే అర్థం కావ‌టం ఖాయం.

Like Us on Facebook : https://www.facebook.com/Tupakidotcom/